Tohi ki he ʻĒtitá

‘Oku Akoʻi Au ‘e he Laumālie Māʻoniʻoní

Talu pe e kau hoku fāmilí ki he Siasí, mo ‘eku mamata ki he mālohi ‘oku maʻu mei hono lau ‘o e Liahoná. Naʻe ueʻi hake au ‘e he ngaahi lea mahuʻinga ko ‘ení ke u ‘alu ‘o ngāue fakafaifekau. ‘Oku lahi ha ngaahi kaveinga ‘oku fakamatalaʻi ‘i he makasiní, ka ko e meʻa ‘oku mahuʻinga kiate aú, ko e meʻa ko ia ‘oku akoʻi mai ‘e he Laumālie Māʻoniʻoní ‘i he taimi kotoa pē ‘oku ou lau ai iá. ‘Io, te tau tauʻatāina—neongo haʻatau “ʻi he tafaʻaki ‘a e filí” (vakai ki he Boyd K. Packer, “Founga ke Kei Moʻui Ai ʻi he Tafaʻaki ʻa e Filí,” Liahona, ‘Okatopa 2012, 24)—pea ‘i heʻetau ako, lau, mo fakahoko ‘a e ngaahi tefitoʻi moʻoni ‘oku akoʻi mai aí. ‘Oku moʻui ‘a e Fakamoʻuí, pea ‘oku ‘i he māmaní ‘a e lakanga fakataulaʻeikí, pea ‘afio ‘a e ‘Otuá ‘i he ngaahi langí.

Newton T. Seniʻiangeyange, ‘Iukanitā

Ngaahi Fakatonutonu

Naʻe fehalaaki hono fakahā atu ‘i he Liahona ‘o ‘Okatopa 2012 ‘a e tokotaha naʻá ne fai ‘a e ngaahi tā ‘i he talanoa ki he “Fokotuʻu e Fuofua Siteiki ʻi ʻInitiá” ‘i he peesi 76–77. Naʻe fai ‘a e ngaahi taá ‘e Sisitā Gladys Wigg. ‘Oku mau kole fakamolemole atu ‘i he fehalaaki ko iá.

Ko e fāmili Visilei ko ia ‘oku fakamatalaʻi ‘i he Liahona, ‘o Tīsema 2012, ‘i he fakamatala ko e “Ngaahi Liliu Toputapu” ‘i he peesi 36, naʻa nau papitaiso ‘i Siulai 2010 ka ‘oku ‘ikai ko Sune 2011. Ko e meʻa foki ‘e tahá, naʻe fanauʻi mai ‘a ‘Anitelea Visilei ‘i Siulai ka ‘oku ‘ikai ko ‘Aokosi 2012.

Naʻe fehalaaki hono fakamatalaʻi e laʻi tā ʻi he peesi 2 ʻo e Ngaahi Akonaki ʻa e Kau Palesiteni ʻo e Siasí: Lolenisou Sinou, Ko ha laʻi tā ia ʻo e foha ʻo Palesiteni Sinou ko Oliver Goddard Snow. ʻI he fakamatalaʻi ʻo e laʻi tā he peesi 31, ʻoku totonu ke fakafetongi e hingoa ʻo Brigham Young Jr. mo Francis M. Lyman.