Ko e Mālohi ʻo e Fakaleleí

ʻIloisi Tapuluea, Kilipati

ʻI he taimi naʻe akoʻi ai au ʻe he ongo faifekaú, ko e tefitoʻi taumuʻa maʻu pē ʻo ʻena ngaahi lēsoní ko Sīsū Kalaisi mo ʻEne Fakaleleí. Naʻá na fakamatala ko e Fakaleleí ko ha meʻaʻofa ia meia Sīsū Kalaisi kiate kitautolu takitaha. Ko ha meʻaʻofa ia te tau lava ʻo fakaʻaongaʻi ʻi heʻetau moʻui fakaʻahó ʻi heʻetau fehangahangai mo e ngaahi faingataʻá pe taimi ʻoku tau faiangahala aí. ʻOku hanga ʻe he mālohi ʻo e Fakaleleí ʻo hiki hake, fakamoʻui, pea mo tokoniʻi kitautolu ke tau foki ʻi he hala lausiʻi mo fāsiʻi ʻoku fakatau ki he moʻui taʻengatá.

Naʻá ku maʻu ha ongo mālohi ʻi he taimi ne vahevahe mai ai ʻe he ongo faifekaú e meʻá ni, peá ne fakamoʻoniʻi mai kiate au naʻe moʻoni, peá u pehē leva ke u kau ki he Siasí.

Naʻá ku fakakaukau ki mui ange ai ke ngāue fakafaifekau he naʻá ku fie tokoni ki he kakai kehé ke nau ʻilo ki he meʻaʻofa fakaʻofoʻofa ko ʻení. Kuó u mamata ki he liliu ʻa ha niʻihi ki ha founga moʻui foʻou, ʻi heʻeku akoʻi mo vahevahe fekauʻaki mo e Fakaleleí. Naʻe hoko mai ha liliu kakato, ʻo ʻikai ʻi he fanongo pē ki he Fakaleleí ka ʻi hono toe fakaʻaongaʻi ia ʻi heʻeku moʻuí.

ʻOku ou ʻilo ʻoku moʻoni ʻa e Fakaleleí. Ko e taimi ʻoku tau fakaafeʻi ai hono mālohí ki heʻetau moʻuí, ʻo tatau ai pē pe ko e hā ha tūkunga ʻoku tau fehangahangai mo ia, ʻe lava ke fakaleleiʻi ʻa e meʻa kotoa pea te tau maʻu ha fiefia.