Hi! Ako si Enkhjin A.
gikan sa Mongolia
Unsa ang inyong paborito nga buhaton sa inyong pamilya? Si Enkhjin A., edad 8, gikan sa Mongolia ganahan nga mobisita sa probinsya uban sa iyang pamilya ug manguha og serales ug strawberry.
Wala akoy bisan unsang binuhi, bisan tuod ako gusto gayud og itoy. Usahay kami mobisita sa probinsya, diin ako makakita og mga baka, karnero, kamel, kabayo, ug kanding. Sa panahon sa winter, ako ganahan nga magporma og snowmen didto. Ania ako uban sa akong igsoong lalaki ug higala sa Turtle Rock sa Terelj National Park.
Malipay ko kon ang akong pamilya mogahin og panahon nga magkauban.Malingaw mi nga mag-family home evening ug mosimba matag semana. Mobasa usab kami sa Basahon ni Mormon ug mag-ampo matag adlaw. Kining mga butanga nakatabang sa akong pamilya nga malig-on.
Ako nagpuyo uban sa akong mama, papa, ug duha ka igsoong lalaki sa Ulaanbaatar, ang kapital sa Mongolia. Usa ka milyon nga mga tawo ang nagpuyo sa among siyudad! Nagpuyo kami sa ika-12 nga andana sa building nga apartment.
Dinhi niini nga litrato, nagbasa kog istorya sa akong igsoong lalaki. Ganahan kaayo ko nga magbasa! Ako anaa sa grade III. Ganahan usab ako og mathematics ug drowing. Usa sa akong mga kauban sa klase dili miyembro sa Simbahan, apan gitudloan nako siya mahitungod sa Pulong sa Kaalam ug misulti kaniya sa pag-inom og gatas imbis kape o tsa. Gitudloan usab nako siya kon unsaon sa pag-ampo ngadto sa Langitnong Amahan, tungod kay wala siya makahibalo. Giimbitar usab nako siya sa family home evening sa akong balay.
Mga litrato sa maayong kabubut-on sa pamilyang Enkhjin; paghulagway pinaagi ni Brad Teare