Mga Ideya sa Family Home Evening

Kini nga isyu naglangkob og mga artikulo ug kalihokan nga magamit alang sa family home evening. Ang mosunod mao ang pipila ka ehemplo.

“Usa ka Gasa alang ni Lola,” pahina 58: Ikonsiderar sa pagbasa kabahin sa regalo ni Kimberly sa iyang lola. Magamit ninyo ang mosunod nga pangutana sa paghisgot sa istorya: Ngano ang iyang sulat mahinungdanon kaayo sa iyang Lola? Unsay inyong bation kon adunay magpasalamat kaninyo sa usa ka butang? Sa inyong hunahuna unsay bation sa Langitnong Amahan kabahin sa pagpasalamat? Kamo makabasa kabahin sa pagpasalamat sa Alang sa Kalig-on sa mga Kabatan-onan sa pahina 18. Ikonsiderar ang pagsaysay sa istorya kabahin ni Jesukristo nga nag-ayo sa 10 ka sanlahon diha sa Lucas 17: 11–19 ug hisguti unsay gitudlo niining istorya kabahin sa pagpasalamat. Alang sa kalihokan, ang matag sakop sa pamilya mosulat og mubong sulat sa pagpasalamat nga ihatag sa usa ka tawo nianang semanaha.

“Usa ka Panalangin sa Bunyag,” pahina 66: Makasugod mo sa inyong family home evening pinaagi sa pagkanta sa “Nephi’s Courage” (Children’s Songbook, 120). Dayon basaha ang istorya ni Trevor sa pagbuntog sa iyang kakuyaw sa tubig ug ikonsider ang mosunod nga mga pangutana: Nakasinati na ba mo nga nahadlok og usa ka butang? Unsay nakatabang ninyo aron dili mahadlok? Dapita ang mga sakop sa pamilya sa pagpakigbahin unsay ilang buhaton sa mga butang nga ilang gikabalak-an. Isip pamilya, hisguti ang mga paagi nga kamo makatabang sa usag usa sa pagpalambo og kaisug. Alang sa kalihokan, kamo makahimo og mga babag sa agianan diha sa kwarto. Taptapi sa mata ang usa sa inyong pamilya. Tabangi siya sa pagbansay og pagsalig nga iyang malikayan ang mga babag sa agianan pinaagi sa pagpaminaw sa mga instruksyon. Kamo makahisgot kon sa unsang paagi ang Espiritu mogiya ug mohupay kanato sa mga sitwasyon nga kita mahadlok.

Sa Inyong Pinulongan

Ang Liahona ug ubang mga materyal sa Simbahan anaa sa daghang pinulongan sa languages.lds.org.