Komentaryo

Naalimahan sa Pulong

Ang pagpaminaw sa mga edisyon sa mga Liahona nahimong usa ka hilabihan ka makapabayaw nga kasinatian alang kanako. Akong gipakigbahin ang audio download sa usa ka miyembro nga dunay problema sa panan-aw, ang lain mao ang propesyonal nga mga drayber, ug sa ubang mga higala nga naglisud sa pagbasa.

Ako nag-eskwela karon og post-graduate 200 km (130 ka mga milya) gikan sa akong balay, ug ang pagpaminaw sa magasin nakapahimo sa biyahe sa bus nga mas kusog ug maanindot. Sa dihang nakadungog ko sa mga isyu sa kinatibuk-ang komperensya akong gibati nga ingon og nagpuyo ko sa panahon ni Jacob, “naalimahan sa maayong pulong sa Dios sa tanan nga adlaw” (Jacob 6:7).

Francisco Flavio Dias Carneiro, Brazil

Modasig, Moaghat ug Molig-on

Ganahan kaayo ko sa Liahona. Kini modasig ug moaghat nako sa pagpabilin sa husto nga dalan. Nakatabang usab kini nako sa akong calling sa Young Men. Kon magkalisud ang kahimtang ug mobati ko nga naluya, moabli ko sa Basahon ni Mormon ug sa Liahona. Kini nakalig-on sa akong pagpamatuod nga ang Langitnong Amahan ug si Jesukristo nahigugma ug nag-amuma sa matag usa kanato.

James Aaron S. Perez, Cebu, Philippines