Si Elder Christofferson Mitambag sa mga Miyembro sa Central America
Ang buhat sa Simbahan karon mao ang pag-andam og mga tawo nga andam nga modawat ug moserbisyo sa Ginoo kon Siya moabut na, si Elder D. Todd Christofferson sa Korum sa Napulog Duha Ka mga Apostoles misulti sa mga miyembro sa Stake sa Arraiján Panama niadtong Enero 20, 2013.
Kadto ang tema nga gihisgutan ni Elder Christofferson sa makadaghan atol sa usa ka tour sa Central America gikan Enero 11 hangtud 20 samtang namulong sa pundok sa kabatan-onan, sa mga young single adult, sa mga misyonaryo, sa lokal nga mga lider, ug sa mga miyembro sa mga miting sa komperensya sa stake.
Si Elder Christofferson gikuyugan sa iyang asawa, si Kathy Christofferson ug Elder Richard J. Maynes sa Kapangulohan sa Seventy ug sa iyang asawa, si Nancy Maynes. Sa iyang unang biyahe ngadto sa Costa Rica, dayon sa Guatemala, ug katapusan sa Panama, si Elder Christofferson giubanan sa mga miyembro sa Kapangulohan sa Area sa lain-laing mga dapit: Elder James B. Martino, Presidente; Elder Carlos H. Amado, Unang Magtatambag; ug Elder Kevin R. Duncan, Ikaduhang Magtatambag.
Si Elder Maynes usab mibiyahe ngadto sa Honduras ug Belize sa pagbisita sa mga lider ug mga miyembro didto.
Si Elder Christofferson namulong ngadto sa gatusan ka kabatan-onan nga nagpundok sa komperensya sa Strength of Youth sa Costa Rica ug Panama; sa mga grupo sa mga misyonaryo sa San José, Costa Rica; Siyudad sa Guatemala, ug ang Siyudad sa Panama; sa dagkong mga grupo sa young single adult sa tulo ka nasud; ug sa panagpundok sa lider sa priesthood ug sa auxiliary.
Mibisita usab siya mga presidente sa Costa Rica ug Guatemala aron sa pagtabang sa paglig-on sa importante nga mga relasyon niana nga mga gobyerno.
Sa Costa Rica si Elder Christofferson miawhag sa kabatan-onan ug mga young adult sa pagsunod sa mga sugo, sa paghinumdom nga ang Langitnong Amahan nakaila ug nahigugma kanila, ug sa pagbasa sa mga kasulatan kada adlaw ug sa pagtinguha sa pagdawat sa tanan nga ihatag sa Espiritu kanila samtang sila nagbasa.
Mihatag siya og lig-on nga pagpamatuod ni Propeta Joseph Smith ug ni Jesukristo. “Mopanalangin ako kaninyo nga kamo modawat niining sama nga pagpamatuod nga akong gipahayag,” miingon siya, ug midugang nga si, “[Jesukristo] tinuod. Akong iampo nganha kaninyo karong gabhiona ang Iyang mga panalangin.”
Didto sa Guatemala iyang gihatagan og gibug-aton ang kaimportante sa pamilya.
“Sa paghimo og pamilya, natuman nato ang atong labing mahinungdanon nga katuyoan dinhi sa yuta,” siya miingon.
Namulong siya ngadto sa kabatan-onan sa Panama ug mipamatuod, “Ang lider niini nga Simbahan mao ang atong Ginoong Jesukristo. Usa siya ka lider nga nagpakabana ug personal nga aktibo sa paggiya sa Iyang Simbahan.”
Usa ka komperensya sa pagpangulo sa priesthood mipasabut sa pag-focus dili sa mga buluhaton ug pagka-busy apan sa sangputanan sa priesthood nga pagserbisyo, ilabi na sa indibidwal nga pagkakabig.
Si Elder Maynes usab nangulo sa nagkalain-laing mga miting, lakip sa young adult ug mga miting sa misyonaryo sa Belize ug Honduras, ug mihatag og tambag ug espirituhanong direksyon sa gatusan ka mga tawo sa kayutaan sa Central America.
Si Elder D. Todd Christofferson mitimbaya sa batan-ong babaye human sa miting sa Panama, niadtong Enero.
Gilitratohan ni James Dalrymple © IRI