Ko Hono ʻOmi ʻo e Palaimelí ki ʻApí
Ko e Fāmilí Ko e Konga ia ʻo e Palani ʻa e Tamai Hēvaní
Te ke lava ʻo fakaʻaongaʻi e lēsoni mo e ʻekitivitī ko ʻení ke ʻilo lahi ange ai ki he kaveinga ʻo e Palaimelí ʻi he māhina ní.
ʻOku fakamatala ʻa e Tohi ʻa Molomoná kau ki ha tangata faiangahala naʻe ui ko ʻAmalekaia. Naʻe loto ke ne fakaʻauha ʻa e Siasí mo puleʻi ʻa e kakai Nīfaí ʻo hoko ko honau tuʻi.
Ko e ʻEikitau ko Molonaí ko ha taki toʻa mo angatonu ʻo e kautau ʻa e kakai Nīfaí. Naʻe fie maʻu ʻe he ʻEikitau ko Molonaí ke fakamanatu ki he kakaí hono mahuʻnga ke maluʻi honau fāmilí mo ʻenau tui fakalotú. Naʻá ne hae hono koté ʻo ʻai ia ko ha fuka pe fakaʻilonga. Naʻá ne tohi ai ʻa e ngaahi lea ko ʻení:
“Ko e fakamanatu ki hotau ʻOtuá, mo ʻetau lotú, mo e tauʻatāiná, mo ʻetau melinó, ko hotau ngaahi uaifí, mo ʻetau fānaú.”
Naʻá ne ui ʻa e fuka ko ʻení “ko e fuka ʻo e tauʻatāiná,” pea naʻá ne haʻi ia ki ha muiʻi ʻakau. Hili ia pea tūʻulutui ʻo lotu ke kei tauʻatāina ʻa e kakaí koeʻuhí ke nau kei lava ʻo lotu ki he ʻOtuá mo maʻu ʻEne ngaahi tāpuakí. (Vakai, ʻAlamā 46:3–18.)
ʻOku tau maʻu he ʻahó ni ha meʻa ke ne fakamanatu mai hono mahuʻinga ʻo hotau fāmilí mo ʻetau tui fakalotú. “Ko e Fāmilí: Ko ha Fanongonongo ki Māmani.” Ko ha niʻihi ʻeni ʻo hono ngaahi leá:
“Ko e fāmilí ko e uho ia ʻo e palani ʻa e Fakamoʻuí ki he ikuʻanga taʻengata ʻo ʻEne fānaú. … Ko e fāmilí ko e tuʻutuʻuni ia ʻa e ʻOtuá.”
Toʻohemá: tā fakatātaaʻi ʻe Brandon Dorman; toʻomataʻú: tā fakatātaaʻi ʻe Rachel Hoffman-Bayles