Fakamatalá

ʻOkú Ne Tokoniʻi Au Ke u Feinga Mālohi Ange

ʻOku ou saiʻia he Liahoná! ʻOku ou ongoʻi fiefia he taimi ʻoku ou lau ai iá. ʻOku ou saiʻia ke u ʻalu mo ia ki he kolisí ʻo foaki ki hoku kaungāmeʻá. ʻOku tokoni e ngaahi fakamatala aí ke u hoko ko ha tokotaha lelei ange, ngāue fakafaifekau, pea fili ʻa e totonú. ʻI he taimi ʻoku ou ako ai e makasiní, ʻoku ou ʻilo ʻoku ou feinga ke u lelei ange ʻi he ʻaho takitaha peá u feinga mālohi ange ke muimui ʻia Sīsū Kalaisi.

ʻAnasitāsia Napalasanikova, ʻIukuleini

Kāpasa Fakalaumālie mo Fakatuʻasino

ʻOku fakamālohia ʻe he Liahoná ʻeku fakamoʻoní. Ko ha kāpasa ia—fakalaumālie mo fakatuʻasino. ʻOku tokoni kiate au hono lau e lea ʻa e Kau Taki Māʻolungá ke u ofi ange ai kia Sīsū Kalaisi. Pea ʻi heʻeku hoko ko ha faifekaú, ʻoku fakafiemālieʻi mo tokoniʻi au ʻe hono lau e ngaahi fakamoʻoni ʻa e Kāingalotu ului tokolahi ke u hoko ko ha tokotaha ngāue lelei ʻi he ngoue vaine ʻa e ʻEikí.

ʻEletā Kōmani, Misiona Penini Kotonoú

Fakatonutonu

ʻOku pehē ʻi he peesi 27 ʻo e Liahona ʻo Fēpuelí ʻoku nofo ʻa Tima ʻIvanova ʻi Valativositoka, Lūsia, ka ʻoku nofo moʻoni ʻi ʻIulana-ʻIute, Lūsia.