ʻOku saiʻia ʻa Likato O., taʻu 3, mei Mekisikoú ke tokoni. Ko e Tokonaki kotoa pē, ʻoku tokoni ai ki heʻene mātuʻá, fakataha mo hono kiʻi tuofefine ko ʻŌleá, ʻi hono tafi ʻo e fale ʻoku fakataha ai hono koló ki he houalotu sākalamēnití. ʻOkú ne malimali—ʻo ʻikai ngata pē ʻi he lotú ka ʻi ʻapi foki.
Loi P., taʻu 7, Kemipōtia
ʻOku ou saiʻia ke ʻalu ki he lotú pea ki heʻeku kalasi Palaimelí. ʻOku ou ako ʻeni ke laukonga, pea ʻoku ou saiʻia ʻi he ngaahi talanoa ʻo e Tohi ʻa Molomoná. ʻOku ou saiʻia mo hoku kiʻi tuofefine siʻí ke tokoni ki heʻema faʻeé. ʻOkú ma saiʻia ke lau e konga ʻa e fānaú ʻi he Liahoná. ʻOkú ma fakatou lotua ʻa Palesiteni Monisoni mo Sisitā Monisoni.
ʻAlisoni A., taʻu 6, mo Uana A., taʻu 3, ʻĀsenitina
ʻOku ako ʻa e fānau ʻo e Palaimeli he Kolo Siangisoní he Vahefonua Menitavilí, ʻi Samaika ʻi ʻInitia Hihifo ki he Fakamoʻuí mo feinga ke muimui Heʻene sīpingá ʻaki ʻenau papitaiso mo teuteu ke ō ki he temipalé.
Ngueni L., taʻu 7, Kemipōtia
Naʻe ʻaʻahi ʻemau Palaimelí ʻi ha ʻaho ʻe taha ki he Temipale Sao Paulo Palāsilá. Naʻe fakaʻofoʻofa ange ʻa e ngoué ʻi ha toe ngoue kuo faifaiangé peá u mamata ai. Ne mau ako ʻoku makatuʻunga ʻi he ngaahi fuakava ʻoku tau fai ʻi he temipalé, ʻa ʻetau lava ke moʻui mo hotau ngaahi fāmilí ʻi he kotoa ʻo ʻitānití. Naʻe lea e palesiteni ʻo e temipalé kiate kimautolu ʻi he loki talitalí, ʻa ia naʻa mau mamata ai ʻi ha ngaahi tā-valivali fakaʻofoʻofa. Naʻá ku maʻu ha ongo mātuʻaki māfana mo fiefia, pea naʻe talamai ʻe heʻeku faʻeé ko e Laumālie Māʻoniʻoní ia heʻene fakamoʻoniʻi mai kiate au ko e meʻa naʻá ku akó ʻoku moʻoni. Naʻá ku maʻu ha fakamoʻoni ko e temipalé ko e fale ia ʻo e ʻEikí.
Lenato B., taʻu 8, Palāsila
Ko Lenato mo hono fāmilí ʻi hono papitaisó
Naʻe fai ʻe Malia K., taʻu 4, mei Palāsilá ha malanga ʻi he houalotu sākalamēnití ʻo fakatumutumu ai ʻa e taha kotoa ʻi heʻene lau maʻuloto ʻa e Ngaahi Tefito ʻo e Tui ʻe 13 ʻo ʻikai ngalo ha foʻi lea ʻe taha. ʻOku pehē ʻe he palesiteni Palaimeli ʻa Maliá ʻoku lotu tāumaʻu ʻa Malia, mo fakamoʻoniʻi ʻa Sīsū Kalaisi.
ʻOku mātuʻaki fakaʻofoʻofa ʻa e temipalé ʻi he tafaʻaki ki tuʻá—ʻoku lahi ai e ngaahi matalaʻiʻakaú. Ka ʻi he taimi naʻe silaʻi ai au ki hoku fāmilí, naʻá ku fakatokangaʻi ʻoku toe fakaʻofoʻofa ange ʻa loto.