Linain nga Saksi
Ngano nga importante ang buhat sa family history?
Kinuha gikan sa “Ang mga Kasingkasing sa mga Anak Mobati,” Liahona, Nob. 2011, 24–24.
Ang mga sakop sa Korum sa Napulog Duha ka mga Apostoles gitawag nga linain nga mga saksi ni Jesukristo.
Si Propetang Joseph Smith miingon nga ang atong “pinakadakong responsibilidad niini nga kalibutan … mao ang pagsiksik sa atong mga patay.”1
Ang family history usa ka importante nga bahin sa buhat sa kaluwasan ug kahimayaan.
Kita adunay pakigsaad nga responsibilidad sa pagsiksik sa atong mga katigulangan ug pagsangkap nila sa makaluwas nga mga ordinansa sa ebanghelyo.
Akong dapiton ang kabatan-onan sa Simbahan sa pagkat-on ug pagsinati sa Espiritu ni Elijah.2
Ako moawhag kaninyo sa pagtuon, sa pagsiksik sa inyong mga katigulangan, ug sa pag-andam sa inyong kaugalingon sa pagpahigayon og proxy nga bunyag sa templo alang sa inyong kaliwatan nga namatay na.
Kon motuman mo niini nga pagdapit uban sa pagtuo, ang inyong kasingkasing mobati sa inyong mga amahan.
Ang inyong gugma ug pasalamat alang sa inyong mga katigulangan motubo.
Pagabantayan kamo sa inyong pagkabatan-on ug sa inyong tibuok kinabuhi.
Ang inyong pagpamatuod ug pagkakabig ngadto sa Manluluwas mahimong lig-on ug malungtaron.