KO E FAKAMOʻONI ʻA HOKU TUONGAʻANÉ

ʻIsatola A., Palāsila

ʻOku ngāue ʻeku faʻeé ʻi he efiafi kotoa mei he 3:00pm ki he 11:00pm. Neongo ʻoku ʻikai lava ke ʻi ʻapi he pō Mōnité, ne u fili mo hoku tuongaʻane lahí ke ma fai pē e efiafi fakafāmilí—Ne māmālohi hoku tuongaʻané ʻi ha taʻu ʻe valu, ka kuó ne kau atu kimuí ni ki he ʻinisititiutí pea loto ke ne fai e pōpoakí ʻi ha pō Mōnite ʻe taha. Naʻá ne vahevahe ha poupou fakalaumālie mei he Tohi ʻa Molomoná ne ʻikai ke u fakakaukau ki ai, neongo ne u toʻo ha taʻu ʻe fā e seminelí pea ngāueʻi foki mo ʻeku Fakalakalaka Fakatāutahá. Ne hangē pē e laumālie ne u ongoʻí ko e meʻa ne u ʻamanaki ki ai ʻi ha taimi te u maʻu ai ha maʻu lakanga fakataulaʻeiki taau ʻi hoku ʻapí.

ʻOku ou houngaʻia ko e ʻomai ʻe he Tamai Hēvaní ha faingamālié ke u fakamālohia ai hoku fāmilí ʻi he uike kotoa ʻi hono fai ʻo e efiafi fakafāmilí. ʻOku ou ʻofa ʻi he ongoongolelei ʻo Sīsū Kalaisí, pea ʻoku ou fiefia ne u maʻu e aʻusia fakatōkilalo ko ʻeni mo hoku tuongaʻané ʻi he efiafi fakafāmilí.