Camille mai na Siti o Nio Ioka

E levu sara na itokani nei Camille yabaki ciwa. “Na ka au taleitaki ira kina na noqu itokani o ya ni ra duidui taucoko, “ a kaya. “Era lako mai na veivanua duidui, ka duidui na nodra vakayacora na cakacaka eso.” E dau taleitaka o Camille me vulica na veika vovou mai vei ira na nona itokani, ka taleitaka me veiwasei kei ira. Na ka uasivi duadua e bau wasea vua e dua na nona itokani o ya na kosipeli. Ni oti na nona wasea na imatai ni yavu ni vakabauta vei nona itokani o Yailin, a sureta sara o Camille na matavuvale nei nona itokani me ratou sotavi rau na daukaulotu. A vakavulici Yailin talega o Camille ena masu. Ena gauna oqo rau sa lewe ni Lotu tiko o Yailin kei tinana.

Na noqu serenilotu taleitaki na “I Am a Child of God” kei na “Families Can Be Together Forever.” Na noqu ivolanikalou taleitaki na Vunau kei na Veiyalayalati 19:23: “Mo vuli vei au, ka muria na noqu vosa; mo vakarorogo vua na noqu Yalo Tabu, mo rawata kina na noqu vakacegu.” E dau vakaukauwataki au na ivolanikalou oqo niu dau rarawa.

A papitaiso o noqu itokani Yailin ena 2011. Au taleitaka ni keirau rawa ni gole vata ki lotu. Au sa vukei koya tiko me cavuqaqataka na Yavu ni Vakabauta. Keirau sa cakacaka tiko na ika ciwa ni yavu ni vakabauta.

E rau tadu mai na Dominican Republic o na kei ta. Oqori beka na vuna au dau taleitaka kina na raisi kei na bini kei na toa. Ena dau vakavotuya tiko vei au na vanua e tadu mai kina na noqu matavuvale.

Era lewe lima na noqu matavuvale. A papitaisotaki ka vakadeitaki na ganequ, o Emily ena vula o Tiseba. O tuakaqu o Victor, e rau veiyacani kei tamaqu. E se bera ni tiko e dua na noqu manumanu maroroi, ia au vakasamataka tiko me dua na noqu vonu. Au taleitaki ira na vonu ni ra rairai vinaka ka ra toso tu vakamalua, ka ra na sega ni dro.

Au taleitaka na italanoa kei Kavetani Moronai ena iVola i Momani A wilika o tamaqu ena dua na lotu ni matavuvale, ka a vakauqeti au meu cakava ga e dua na noqu kuila. Ena vakavotuya tiko vei au na kuila o cei oi au ka sa dau tiko vata ga kei au o Tamaqu Vakalomalagi.

E lolomataka na itaba na matavuvale, vakavo ga sa vakatakilai tiko; itaba ni Statue of Liberty © Getty Images; Lako Mai, mai vei Walter Rane, lolomataka na Church History Museum