Ko ʻEtau Pēsí

Kuo akoʻi mai kiate au ʻa e ongoongoleleí ʻe heʻeku mātuʻá peá na hoko ko e faʻifaʻitakiʻanga lelei kiate au talu mei heʻeku kei siʻí. Naʻá ku ako ke lau e ngaahi talanoa ʻo e folofolá ki he fānaú, pea kuó u saiʻia ʻeni ʻi he Tohi ʻa Molomoná. ʻOku ou lau tokotaha ia pea lau fakataha mo hoku fāmilí ʻi he ʻaho kotoa pē. Ko ʻĀmoni ʻa e tokotaha ʻoku ou saiʻia taha ai ʻi he Tohi ʻa Molomoná. Naʻe hoko ia ko ha faifekau maʻongoʻonga, ʻa ia ko e meʻa ia ʻoku ou fie fai ʻi he taimi te u lahi aí.

ʻEsitipeni M., taʻu 8, Kolomupia

Ko e taimi naʻe mālōlō ʻeveʻeva ai hoku fāmilí ʻi Panamaá, ko e fonua tupuʻa ʻeku faʻeé, naʻe ʻave heʻeku ongomātuʻá hoku kiʻi tokoua ko Ioalipetí mo au ke mau ʻeva ki he Temipale Panamā Siti Panamaá. Naʻe ʻave kimaua ʻe heʻema faʻeé ke ma ala ki he holisi ʻo e temipalé. ʻI heʻeku fakahā ange ki mui ki heʻeku faʻeé ʻa e lahi e fiefia naʻá ku ongoʻi ʻi he taimi naʻa mau ʻi he temipalé aí, naʻá ne talamai ko ʻeku ongoʻi ia ʻa e Laumālie Māʻoniʻoní.

Sēsiō B. Jr., taʻu 7, Folōlita, USA

Pasa Z., taʻu 9, ʻIūkuleini

Ko e taimi naʻe taʻu 3 ai ʻa e tokotaha taʻu 6 ko Letisia C., ne ʻosi hono langa e Temipale Kulitipa Palāsilá. Naʻe manako ke ʻalu ki he temipalé, pea ʻalu ki ai ʻi he ʻaho kotoa pē he uike fakaʻosi ʻo e ʻoupeni hausí. ʻOku kei manako pē ke ʻalu ki he temipalé ʻo lue takai ʻi he ngoue fakaʻofoʻofá. ʻOku toe manako foki ʻa Letisia ke tā fakatātā mo kakau.

Palaimelí: Muimui ʻia Sīsū

ʻOku saiʻia ʻa Maulisiō D., taʻu 11, ʻĪtali, ʻi he houalotu sākalamēnití koeʻuhí he ʻoku ako ai ki he Tamai Hēvaní mo Sīsū Kalaisi. ʻOku saiʻia he ʻalu ki he lotú koeʻuhí he ʻoku fakafiefia mo mālie pea mo mātuʻaki fakaʻofoʻofa. ʻOku fiefia ʻi he Siasí pea ʻoku ʻi ai hano ngaahi kaungāmeʻa tokolahi.

Ko e taimi ne mau teuteu ai ke tāpuakiʻi e kelekele ʻo e Temipale Tīuana Mekisikoú, naʻa mau fiefia lahi. Naʻa mau o fakafāmili ke fai ha tokoni. Naʻa mau fakamaʻa ʻa e kelekele ʻo e temipalé. ʻOku ou ʻilo ʻe ʻaʻahi mai ʻa e ʻEikí ki Hono falé ʻi he taimi ʻe ʻosi aí.

Iēsū S., taʻu 6, Mekisikou

ʻOku tokoni e ako ʻo e folofolá ke u fili ai ʻa e totonú.

“Ko e Ngaahi Lauʻi Peleti Koulá,” tā ʻe P. Tuyêt Hoa, taʻu 10, Kemipōtia

ʻOku ou fili ʻa e totonú he taimi ʻoku ou muimui ai ki he Tamai Hēvaní mo Sīsū Kalaisí.

N. Tī Linitā, taʻu 8, Kemipōtia

Ko e konga ʻoku ou saiʻia taha ai ʻi he Tohi ʻa Molomoná ko e talanoa ʻo Nīfaí mo e folau ʻi he tahí.

Keli C., taʻu 10, ʻOtu Filipainí

ʻOku fie maʻu ke silaʻi kimautolu ʻi he temipalé koeʻuhí ke mau lava ʻo nofo ko ha fāmili ʻo taʻengata.

Sana C., taʻu 8, ʻOtu Filipainí

ʻOku ou saiʻia he ʻalu ki he lotú mo hoku fāmilí mo ako kau kia Sīsū Kalaisi. ʻI ʻapí, ʻoku ou manako ke lautohi mo ako e ngaahi talanoa ʻo e folofolá, hivaʻi e ngaahi himí, mo fai ha ngaahi vaʻinga he lolotonga ʻo e efiafi fakafāmili ʻi ʻapí. ʻOku tāpuekina hoku fāmilí ʻe he ongoongoleleí mo ʻai ke u ongoʻi fiefia. Kuó u ʻosi foaki ha Tohi ʻa Molomona ki ha kau faiako ʻe tokotolu he akó pea ki hoku kaungāmeʻa lelei taha ko Maikoló. Ko ʻeku hiva Palaimeli ʻoku ou manako taha aí ko e “ʻOmi ki Māmani ʻEne Moʻoní” (Tohi Hiva ʻa e Fānaú, 92).

Mātimi P., taʻu 6, Potukali

Heniliki S., taʻu 7, Palāsila