Maʻá e Fānau Īkí
Ko Hono Tāpuakiʻi ʻe Sīsū e Fānau Īkí
Mei he Maʻake 10:13–16.
Naʻe haʻohaʻo takai ha kakai tokolahi ʻia Sīsū. Naʻa nau fie fanongo Heʻene fai e ngaahi talanoá. Naʻa nau fie fanongo Heʻene faiako kau ki he langí.
Ko e taimi naʻe puke ai ʻa e kakaí, naʻe fakamoʻui kinautolu ʻe Sīsū. Naʻá ne fakamoʻui ʻa e kakai naʻe ʻikai lava ʻo sió. Naʻá ne fakamoʻui ʻa e kakai naʻe ʻikai lava ʻo fanongó.
Naʻe ʻomai ʻe ha kakai ʻi ha ʻaho ʻe taha ʻenau longaʻi fānaú ke nau sio ʻia Sīsū. Naʻa nau fie maʻu ia ke Ne tāpuakiʻi ʻenau fānau īkí. Ne talaange ʻe he kau ākonga ʻa Sīsuú ki he kakaí ke ʻoua te nau fakahohaʻasi ʻa Sīsū. Naʻa nau fakakaukau naʻe fuʻu femoʻuekina.
Naʻe ʻikai ke fuʻu femoʻuekina ʻa Sīsū. Naʻá ne fakahā ki he kau ākongá ke tuku ʻa e fānaú ke nau omi kiate Ia. Naʻá Ne pehē ko e puleʻanga ʻo e langí ʻoku ʻa e kakai ʻoku hangē ko e fānau īkí.
ʻOku ʻofa ʻa Sīsū ki he fānau kotoa pē. ʻOku tatau ai pē ia pe ko hai koe, fōtunga fēfē, pe ko e fē feituʻu ʻokú ke nofo aí. ʻOku ʻofa ʻa Sīsū ʻiate koe!
Tā fakatātaaʻi ʻe Shawna J. C. Tenney