Ko e Meʻaʻofa ko Sení
ʻOku nofo ʻa e taha naʻá ne faʻú ʻi ʻIutā, USA.
Ne u fai ha ngaahi fili hala ʻi he taʻu hono ua ʻo ʻeku ʻi he ako māʻolungá. Naʻe iku e ngaahi fili ko iá ki ha ngaahi nunuʻa mamafa pea mo e loto mamahi, pea ne u pehē ke u fakaʻaongaʻi e tutuku ʻa e akó ʻi he faʻahitaʻu māfaná ko ha taimi ke kamata fai ai ha ngaahi liliu. ʻI he toe kamata mai e akó, ne u kai ʻeku meʻakai hoʻataá ʻi fale kaukau pe fakafaletoló kapau ʻoku ʻikai ha taha ai, ke u fakaʻehiʻehi mei he ngaahi feohi kovi ʻoku nau talitali aú.
Kuo teʻeki ai ke u ongoʻi taʻelata pehē.
Ne foaki mai leva ʻe he ʻOtuá ha meʻaʻofa: Naʻá ne ʻomi ʻa Seni. Naʻe ʻikai ke ne teitei fakamaauʻi ʻeku ngaahi fehalākí pea naʻá ne poupouʻi au he hala totonú. Naʻe tokoni ʻeku ʻilo te ne ʻi he akó ke hokohoko atu ʻeku lau folofolá mo tanumaki ʻeku fakamoʻoní. ʻI he hoko mai e tānaki tuʻungá, ne u ʻosi fakamoʻoniʻi kuó u tukupā ke liliu.
ʻOku ou faʻa fifili pe ne u mei ʻi fē nai he ʻahó ni kapau naʻe ʻikai tokoniʻi au ʻe Seni. Ne u mei lava nai ʻo tauhi totonu ʻeku ngaahi tefitoʻi moʻoní ka ne taʻeʻoua ia? Meʻa mālie, he ʻikai ke u teitei ʻiloʻi he naʻá ne ʻi ai ʻaki hono lotó kotoa mo mateuteu ke tokoniʻi au.