Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka mga ideya.

“Noe,” pahina 10: Ikonsiderar sa pagsaysay sa istorya ni Noe gamit ang mga shadow puppet. Sa ngitngit nga kwarto, pahayagi (gamit ang sama sa usa ka flashlight) ang bong-bong. Kamo ug ang inyong pamilya makagamit sa inyong mga bukton ug kamot sa pagporma og mga anino diha sa bong-bong nga maghisgot kabahin sa arka, mga hayop, ulan, salapati ug bangaw. Ikonsiderar ang pagtapos sa kalihokan pinaagi sa paghisgot sa mga paagi nga kita makasunod sa atong buhing mga propeta karon ug sa pagkanta sa “Sunda ang Propeta” (Songbook sa mga Bata, 58–59) o laing kanta kabahin sa mga propeta.

“Labing Maayong Pamilya sa Kahangturan,” pahina 68: Ikonsiderar ang paghimo og kalihokan nga makapalig-on sa panaghigalaay sa mga sakop sa pamilya. Tingali mamintal mo, sama sa gibuhat ni Olivia ug Jane, o maghimo og laing proyekto. Pagkahuman, mahimo ninyong hisgutan unsaon sa pagdumala sa pagpamugos sa kaedad ug sa pagpamalandong sa mga panalangin sa paglig-on sa panaghigalaay sa inyong pamilya. Kamo makahisgot sa mga tawo gikan sa mga kasulatan nga nalig-on pinaagi sa ilang panaghigalaay sa mga sakop sa pamilya: sama pananglit nila ni Maria ug Elisabet, Nephi ug Sam, ug Joseph ug Hyrum Smith.

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.