Para sa Gagmayng mga Bata
Si Sarah Milakaw ug Milakaw
Ang tagsulat nagpuyo sa Utah, USA.
Si Sarah miambak ug milukso. Andam na siya nga makiglakaw libut sa Silver Lake uban sa iyang pamilya. Ang iyang igsoon nga lalaki, si Josh, midagan na sa unahan.
Sa wala madugay gibati na ni Sarah ang kainit sa adlaw sa iyang mga bukton. Ang iyang mga bitiis misugod na og kakapoy.
“Ayaw kabalaka,” miingon si Mama. “Hapit na ta mabalik sa atong sakyanan.”
Gisirad-an ang Taytayan
Dayon si Sarah nakakita og usa ka dako nga pisi nga orange nga gi-ali sa dalan. “Ang taytayan naguba,” miingon si Papa. “Kinahanglan kitang maglakaw tuyok sa lawa.”
“Apan gikapoy kaayo ko!” Miingon si Sarah. Si Josh milingkod diha sa yuta ug nagmug-ot.
“Nakahinumdom ba kamo sa istorya sa mga pioneer?” Si Mama nangutana.
Mitando si Sarah. Ganahan siya sa mga pioneer.
“Kinahanglan silang molakaw og layo kaayo,” miingon si Mama. “Usahay init kaayo, ug usahay bugnaw gayud kaayo. Apan sila nagpadayon sa paglakaw. Sa dihang miabut sila sa ilang bag-o nga pinuy-anan, sila mitukod og mga balay ug mga templo.”
Si Sarah nalipay nga ang mga pioneer mipadayon sa pagpanglakaw. Siya usab mopadayon sa paglakaw. Iyang gitunol ang iyang kamot ngadto kang Josh. “Tana”, siya miingon. “Aduna pa kitay dugang nga laktunon.”