Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit sa family home evening. Ang mosunod mao ang duha ka mga ideya.

“Pagkahimong Hingpit diha kang Kristo,” pahina 42: Gamit sa mga pagtulun-an ni Elder Gong kabahin sa pagkaperpeksyonista, paghimo og usa ka husto o sayop nga quiz alang sa inyong pamilya aron pagtabang nila nga makaamgo kon sila duna bay kalagmitan sa pagkaperpeksyonista. Mahimo mong mogamit sa pamahayag sama sa “Ako magmalipayon ra bisag maghimo og sayop” o “Lisud alang nako sa pagpasaylo sa uban”sa inyong quiz. Basaha og dungan, kon unsa ang gitudlo ni Elder Gong mahitungod sa pagsalig diha sa Manluluwas. Mahimo usab ninyong gamiton ang mga pahina 177–78 sa Isangyaw ang Akong Ebanghelyo: Usa ka Giya ngadto sa Misyonaryo nga Pangalagad sa pagtudlo kon unsaon sa paghimo og angay nga mga tumong ug sa pagbuntog sa pagkaperpeksyonista.

“Ang Akong Lawas Usa ka Templo,” pahina 68: Gamita ang mga pangutana niini nga artikulo sa pagtudlo sa inyong mga anak sa pagtahud ug paghigugma sa ilang mga lawas. Mahimo kamong modalit og himsog nga mga snack, sama sa prutas o mga utanon, sa pagtudlo sa inyong mga anak mahitungod sa angayng kan-on. Mahimo kamong magdula og usa ka sport o mobuhat og kalihokan sa gawas aron sa pagtabang sa inyong mga anak nga makadayeg sa maayong panglawas ug kalagsik. Awhaga ang inyong mga anak sa pagtabang sa usa ka bata o tin-edyer sa ilang ward, branch, o eskwelahan nga may kakulangan. Mahimo usab kamong mokanta sa “I’ll Walk with You” [Mouban Ko Nimo] (Children’s Songbook, 140).

Paghulagway sa litrato pinaagi ni Cody Bell

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.