Ang mga Lider Mitanyag og Kahupayan, Suporta sa Pilipinas

Niadtong Pebrero, 100 ka adlaw human ang Bagyong Haiyan miguba sa Tacloban, si Sister Linda K. Burton, kinatibuk-ang presidente sa Relief Society, ug Sister Carol F. McConkie, unang magtatambag sa kinatibuk-ang kapangulohan sa Young Women, mibiyahe ngadto sa dapit nga naigo sa katalagman sa pagtanyag og suporta ug kahupayan.

“Nasayud ko nga kinahanglan nakong gakson ang mga sister,” miingon si Sister Burton. “Nasayud ko nga wala koy mahimo kaayo, apan nahibalo ko nga kinahanglan kong moadto sa Tacloban ug mogakos sa mga tawo kutob sa akong mahimo.”

Ang bagyong Haiyan miguba sa sobra sa 1.1 ka milyon ka mga panimalay sa sentro sa Pilipinas, mibilin og sobra sa 6,100 ka patay nga mga tawo, lakip sa 42 ka mga Santos sa Ulahing mga Adlaw. Human sa bagyo, ang Simbahan mipadala og mga relief supply ug nakig-alayon sa lokal ug internasyonal nga mga organisasyon aron moabag og pagkaon, kapuy-an, pagpalimpyo sa tubig, paghawan sa mga nangaguba, pagpahiuli sa panginabuhian.

Sila si Sister Burton ug Sister McConkie mireport nga sila nakakaplag og paglaum ug pagkamalaumon taliwala sa mga Santos, kinsa nagtukod og balik sa ilang mga panimalay ug naglig-on sa ilang mga pagpamatuod pinaagi sa pagserbisyo sa usag usa.