Juon Tiim in Baam̧le
Rijeje eo ej jokwe ilo Alberta, Canada.
Epidodo n̄an wiin n̄e aolep rej jerbal ippān doon.
“When we’re helping, we’re happy” (Children’s Songbook, 198).
Ammon ekar bōk kūtwōn ke e im jemen rekar ro̧o̧l jen ikkure in football eo. “Ij jab meļeļe,” ekar ba. “Elōn̄ ad rikkure ro remōkade. Etke jejjab maron̄ kaddeļo̧n̄ boin?”
Baba ekar juon rikkure football eo ejeļā. Bōlen emaron̄ jipan̄.
“Ij ļōmņak kwoj aikuj ekkatak jerbal āinwōt juon tiim,” Baba eaar ba. “Aolepāmi rekōņaan kaddelo̧n̄ boin, ejim̧we ke?”
“Aaet,” Ammon eaar ba. “Ak jej jab maron̄ aolep juon wōt im kōm̧m̧an boin. Ej ke meļeļe eo am̧ in?
Baba eaar jōboulul. “Kwoj jab maron̄ kōm̧m̧ane juon boin ippām make. M̧okta ribōbrae ro raikuj bōk bo̧o̧ļ eo jen tiim eo juon, ejim̧we ke?”
Ammon eaar ettōn̄. “Epen kaddeļo̧n̄ boin n̄e ejako bo̧o̧ļ eo ippām.”
“Ejim̧we,”Baba eaar ba. ‟Innām ribōbrae ro rej leļo̧k n̄an juon eo emaron̄ kaddeļo̧n̄ boin. Ejjeļo̧k juon emaron̄ kōm̧m̧ane make iaan.”
“Ij lōmņak,” Ammon ekar ba.
Ke kōm kar tōpar m̧weo, Jinō ekar jibwe nin̄nin̄ eo ilo tōre eo ej kōmat kōjota. “Ej et ikkure eo?” leddik eo ekar kajitok.
“Kōm bar luuj,” Ammon ekar ba. “Ak kōm nej kōm̧m̧an em̧m̧an tokālik.”
“Juon m̧wil em̧m̧an,” Jinō ekar ba.
“Ikwōle!” Miguel ekar lam̧ōj e, Samuel, im Lucas rej deļo̧n̄tok.
“Ļaddik raņ, kom̧ maron̄ ke kōpooj tepōl eņ im ko̧kņe kein ikkure kaņe?” M̧am̧a eaar kajjitōk.
Aolepān ļaddik ro emen rekar m̧akoko.
“Ak ikar jab ikkure kōn kein ikkure ko,” Samuel ekar ba.
“Elukkun nej to!” Miguel eaar lamōj.
Jema eaar ettōn̄. “Ij ļōmņak baam̧ļe in ad ewōr an apan̄ āinwōt tiim eņ an Ammon.”
“Ta ne?” Samuel eaar kajjitōk.
“Jejjab jerbal ippān doon,” Ammon ekar ba. ‟Kōj aolep jekōņaan kadeļo̧n̄ juon poin kōn m̧ōn̄ā in jota. Ak jenaaj kōtļo̧k aolep n̄an m̧am̧a.”
“Ejim̧we ke!” Jema eaar ba: “Ekōjkan ad maron̄ jerbal āinwōt juon tiim?”
Ammon ewōr juon an ļōmņak. ‟Ta n̄e Samuel im N̄a kōmro kōpooj tepōl eo? Ļaddik ro jet remaron̄ kotak kein ikkure ko.”
“Ļōmņak em̧m̧an!» Jema eaar ba:
Ejjab etto kōjota eo eaar pojak. Ammon ekar bokba n̄an jar. Ekar m̧ōņōņō bwe baam̧ļe eo an rekar jerbal āinwōt juon tiim. Ekar kōtmāne bwe football tiim eo an ren bar kōm̧m̧an āinwōt.
Kōmeļeļe jān Mark Jarman