Katak Eļapļo̧k kōn Ta eo Ewōr im Ekoņ
Rijeje eo ej jokwe ilo Oslo, Norway.
Jodikdik ro ilo Oslo, Norway, raar joļo̧k juon raan in kōppopo ilo mour āinwōt juon mijenede ej jerbal aolep raan.
Annan̄ in pija jān lukas_zb/iStock/Thinkstock
Kōnke Būreejtōn Thomas S. Monson eaar kwaļo̧k kōn oktak in iiō in jerbal in mijenede, jodikdik ro ipeļaakin Kabun̄ in raar jab kijoroor wōt n̄an uwaak e kūr in ak barāinwōt kūr eo n̄an kōppopo n̄an jerbal. Im juon iaan wāween eo n̄an kōppopo ej n̄an ekkatak eļapļo̧k kōn ta eo em̧ōj ekoņ kadede n̄e kwoj erom juon mijenede eo ej jerbal aolep.
Jet jodikdik ilo Norway “Imminene an Mijenede” kōm̧m̧an jān Fredrikstad Ward eo ilo Oslo Norway Stake.
Deļo̧n̄ ilo “MTC”
Jodikdik ro rej kuktok ippān doon ilo im̧ōn jar eo ilo juon ruum̧ āinwōt juon jikin kamminene an mijenede. “Kōm̧ ar bōk juon ijjitōn̄ n̄an ekkatak kōn juon laļ,” Jecob R. jen Moss Ward eaar ba. “Ej letok n̄an kōj juon meļeļe kōn ta eo eaikuj n̄an bōk juon kūr n̄an mijen im jeļā bwe komaron̄ kūr juon jikin me eoktak jān ta eo kominene kake.”
Ioone “Mijen Būreejtōn eo”
“Innām kōm̧ eaar etal n̄an m̧weo juon n̄an ioon juon mijenede ej kab ro̧o̧ltok eo ej jerbal āinwōt juon mijen būreejtōn,” Simon eaar ba W. Jen Oslo Ward. Mijenede eo ej kar ro̧o̧ltok im mijenede ro jet raar kōnono kōn ta eo ej waļo̧k ilo mijen. “Iaar ļōmņak eaar lukkuun em̧m̧an n̄an ekkatak jān mijenede ro rej ro̧o̧ltok kōn ta eo ej waļo̧k ilo juon mijen,” Simon eaar ba. Ro raar bōk koņaer raar bōk juon bāāj, kar leļo̧k m̧ōttāer, im kar katakin er bwe ren pād wōt ippān eo m̧ōttan aolep raan.
Ejaaki Kapāāl ko
Jikin kamminene ko rej katakin jodikdik ro n̄an kōļapļo̧k mour in jetōb ak barāinwōt n̄an kabwe aikuj ko an kanniōk āinwōt kwalkwōļ nuknuk, kakkoņ jāān, im pād ilo ājmour in ānbwin.
“Iaar laudin̄din̄ kōn kamminene eo kōn wāween an ijjino kōnono ko kōn gospel,” Inger Sofie J. eaar ba jen Oslo Ward. “Ej juon men imaron̄ jino kōm̧m̧ane kiiō wōt.”
“Iaar m̧ōņōņō kōn wāween kōjerbal Preach My Gospel,” Karl Frederik O. jen Fredrikstad Ward. “Aolep iien ij ļōmņak bwe mijenede ro ewōr juon aer make laajrak in eoon ko n̄an ekkatak, ak iaar loe bwe ta eo emōj aō kadede kōm̧m̧ane ilo jemenere enaaj jipan̄ eō āinwōt juon mijenede innām enaaj ta eo emōj aō kadede katak ilo Preach My Gospel.”
Elōn̄ iaan likao ro raar ba bwe juon iaan ememļo̧kjeņ eo kōn kamminene eo ekitbuuj aeene juon jōōt mouj. “Ekakeememej eō bwe ej lōn̄ wōt kapāāl ko imaron̄ jerbali n̄an pojak n̄an juon mijen,” Jecob eaar ba.
“Iaar jeļā bwe ej lōn̄ wōt men imaron̄ kōm̧m̧ane kiiō n̄an kobaļo̧k ippān mijenede ro rej jerbal aolep raan bwe kōm̧in aolep jerbale kōttōbar ko,” Sarah R. eaar ba jen Sandvika Ward. “Membōr ro rej barāinwōt mijenede.”
Āinwōt juon kakeememej kōn mijenede ro rej jerbal aolepān laļ in, m̧ōn̄ā ko kijier jān kajjojo laļ ko. “Menin ej kakeememej eō bwe ij aikuj edjon̄i m̧ōn̄ā ko kiiō me ekkā aō kan̄i im edjon̄i m̧ōn̄ā ko ijjab kan̄i aolep iien. Menin enaaj m̧ōkajļo̧k an jipan̄ eō eļan̄n̄e inaaj kūr n̄an juon jikin ijo rej m̧ōn̄ā men ko ijaminene kaki, “Simon eaar ba.
Pojak
“Ilo jem̧ļo̧kin raan eo, ālkin ron̄jake naan in kam̧ool ko an ruo iaan jodikdik ro im ruo iaan mijenede ro rej kab ro̧o̧ltok, kōm̧ kar al ‘Called to Serve,’” Liss Andrea O. eaar ba jen Fredrikstad Ward. “Iaar en̄jake bwe eļan̄n̄e inaaj al kake wōt al in, enaaj wōr aō ememļo̧kjeņ bwe n̄e jej mijenede, jej jerbal n̄an Jemedwōj Ilan̄ im Enaaj kōjeram̧m̧an kōj.”
Jem̧ļo̧kinļo̧k raan eo, jodikdik ro ilo stake eo raar jab jeļā wōt bwe ren kōppopo n̄an jerbal in mijinede aolep raan ak bwe ren maron̄ bōk en̄jake ko an mijenede kiiō im ilo aolepān mour ko aer.