Ewi Wāween n̄an Pukōt Kajoor im Tōprak
Jān Elder Jeffrey R. Holland
Jen Doulul eo an Jon̄oulruo Rijilōk ro
Jān Nokon in jota eo ilo Brigham Young University im eaar kōm̧m̧an ilo M̧aaj 2, 1997.
Jet iaami rejeļā ta eo rekōņaan im ia eo kom̧ kōņaan pād ie ilo mour kane ami ak jet iaami rejaje. Jet iaami ekanooj lōn̄ kōjeram̧m̧an ko an im lōn̄ kālet ko rem̧m̧an repād im̧ami. Ro jet kom̧ij en̄jake, ilo juon iien im kōn jabdewōt kain un, edik jeram̧m̧an im eiet iaļ ko rekaitoktok limo repād im̧aan.
Ka jekdo̧o̧n wōn kwe im jekjek rot eo kwoj lo eok make ilo am pukot mour, ij lewaj “iaļ eo, m̧ool eo, im mour eo” (Jon 14:6). Jekdo̧o̧n ia kwoj ļōmņak kwoj etal n̄ane, ij kajjitōk ippām “Itok n̄an E” (lale Matu 11:28–30) ej bun̄tōn ne eo eaorōk tata n̄an tōpar ijeņ, n̄an lo m̧ōņōņō eo am im kajoor im tōprak.
Ke Andru im Pilip raar ron̄ an Kraist kōnono, raar kanuuj m̧ōņōņō, lukkuun bwilōn̄ im raar ļoor E ke Eaar em̧m̧akūt jān jarlepju eo. Eaar jeļā bwe raar ļo̧o̧r ļo̧k E, Kraist eaar oktaklikļo̧k im kajjitkin ļōm̧aro ruo, “Ta eo kom̧iro ej pukōte? (Jon 1:38). Ukook ko jet rej kapidodoik, “Ta eo kom̧ij kōņaan?”
Raar uwaak, “Kwōj pād ia?” ak “Kwoj jokwe ia?”
Im Kraist eaar ba, “Itok im lale.” Ālkin jidik iien in An kar kūr Piter im Rijilōk ro jet rekāāl kōn ejja jetōb in kūr in wōt, “Itok, ļo̧o̧r eō” (lale Matu 4:19).
Ealikkar n̄an eō bwe pedped in mour ko ad maron̄ waļo̧k ilo m̧ōttan kein ruo ilo jerbal in kwaļo̧k eo an Kraist. M̧ōtaan eo juon ej kajjitōk, n̄an kōj kajjojo, “Ta eo kwoj pukōte? “Ta eo kwoj kōņaan?” M̧ōttan eo Kein Karuo ej uwaan eo An āinwōt ewi wāween bōke. Jekdo̧o̧n wōn kōj, im jekdo̧o̧n inepata rot ko ad, uwaak eo An ej aolep iien jab oktak, n̄an indeeo. “Itok n̄an Ippa.” Itok im lale ta eo ij kōm̧m̧ane im wāween Aō kōjerbal iien. Katak Ippa, ļo̧o̧r Eō, im ilo wāween in Inaaj lewaj n̄an eok uwaak ko n̄an jar ko am̧ im aolepān am̧.
Ro m̧ōttan rejitōn bōro, ijjab jeļā bar juon iaļ n̄an ami tōprak ak n̄an m̧ōņōņō ak n̄an aenōm̧m̧an. Ijjab jeļā bar juon iaļ n̄an am̧ maron̄ ineek eddo ko am̧ ak lo ta eo Jekab eaar ba “m̧ōņōņō eo kōpooje n̄an ro rekwojarjar” (2 Nipai 9:43). En̄in ej unin ad kōm̧m̧ani bujen ko raorōk pedped wōt ioon en̄taan in pinmuur eo an Kraist, im en̄in ej unin ad bōk iood Etan.
Jisōs ej riKraist eo, eo Nejin Anij emour. En̄in Kabun̄ eo An em̧ool im emour. E ekōņaan bwe jen itok n̄an Ippān, n̄an ļoor E, n̄an bōk inem̧m̧an jān E. Innām E kōņaan bwe jān leļo̧k kainōm̧m̧an n̄an ro jet. Bwe en bwe tōmak n̄an bōk em̧m̧an eo an Anij im tūriam̧o̧ kake eo An Nejin Emake Wōt. Jen itok n̄an Ippān im gospel eo An im mour.