Mathilde Epojak n̄an Doulul eo an Jiron̄ ro

Jān Jenn Wilks, Utah, USA

Mathilde ej m̧ōņōņō in em̧m̧akūtļo̧k n̄an Doulul eo an Jiron̄ ro, bōtaab eaar jab lukkuun jeļā ta eo n̄an kōm̧m̧ane. Innām eaar kōnono n̄an jibūn. Jibūn ej Sister Bonnie Oscarson, Būreejtōn eo Eutiej an Doulul eo an Jiron̄ ro. Ewōr jet an naan in kōkapilōklōk ko rem̧m̧an!

Kajjitōk ippān jinōm̧ ak jibum̧ ak juon iaan kōrā ro ilo ward eo am̧ ta eo rej kakeememej kōn Doulul eo an Jiron̄ ro. Komaron̄ lo jet men ko relimo.

Innām …

Ke Sister Oscarson ekar pād ilo Doulul eo an Jiron̄ ro, eaar bōk bāāj ko n̄an bōk nōbar ko roktak. Eaar kiiji ilo juon m̧ōttan nuknuk, ippān ļo̧k juon wūt ej kalikkar tōmak.

…im Kiiō

M̧arm̧ar in enaaj kakeememej eok bwe kwon juon meram n̄an ro jet im n̄an jutak kōn m̧ool im wānōk.

Kwonaaj barāinwōt bōk ribin ko jān am̧ kadedeļo̧k Person Progress im būrojāāk ko.

Innām kwonaaj bōk medallion an Doulul eo an Jiron̄ ro.

Ijjino ko Rekāāl

Malhilde eaar etal n̄an juon m̧akūtkūt eaorōk ņaetan Ijjino ko Rekāāl. Raar limo ilo katak eo im katak kōn Personal Progress.

Mahtilde ej barāinwōt jerbal ilo Faith in God Award eo an im kakilōklōk Laajrak in Tōmak eo.

Juon Ememļo̧k eo Ejenolo̧k.

Mathilde im elōn̄ iaan ro rilikin raar pād ilo Conference Center eo ilo Eprōļ 6, 2013. Ak raar jaje etke jibuer eaar karuwaineneik er aolep n̄an itok n̄an kweilo̧k eo eļap. Raar ilbōk im m̧ōņōņō ke eaar rejtak āinwōt juon būreejtōn an Doulul eo an Jiron̄ ro!

Naan in katak jidikdik eo an Sister Oscarson ej Kwon Pojak!

• Ejaake juon jem̧jerā ippān Jemedwōj Ilan̄ kōn jar im riiti jeje ko rekwojarjar.

• Pukōt meļeļe eo kōn būrokraam̧ in Personal Progress eo.

• Riiti jeje ko rekwojarjar, For the Strength of Youth, im Liaona eo.

• Jino katak unin tōl eo an Doulul eo an Jiron̄ ro. Kwonaaj āliji kajjojo wiik ippān aolep jiron̄ ro.

Kōj jej leddik ro nejin Jemedwōj Ilan̄, eo ej io̧kwe kōj, im jej io̧kwe E. Jenaaj “jutak āinwōt rikam̧ool ro an Anij ilo aolep iien ko im ilo aolep men otemjeļok, im ilo aolep jikin ko” ilo ad kajion̄ mour kōn aorōk ko an Doulul eo an Jiron̄ Ro, āinwōt:

Tōmak • Mour Kwojarjar • Aorōk in Juōn Jiron̄ • Jeļāļo̧kjeņ • Kālōt im Eddo ko • Jerbal ko Rem̧m̧an • M̧ool • im Wānōk.

Jej Tōmak ilo ad katak n̄an bōk im makūtkūt ioon aorōk kein, JENAAJ POJAK n̄an kōkkajoorļo̧k m̧ōko im baam̧le, kōm̧m̧an im kōjparok bujen ko rekwojarjar, bōk kain̄i ko an tampeļ eo, im lan̄lōn̄ kōn kōjeram̧m̧an ko an mour eo eutiej tata.(lale Mosaia 18:9)

Mathilde ekar jab maron̄ kōttar n̄an …

• M̧akūtkūt ko aolep wiik

• Jeļā kajjeen leddik ro jet ilo Doulul eo an Jiron̄ ro.

• Etal n̄an kāām eo an Doulul eo an Jiron̄ ro.

Fun Fact

Mathilde ej kūr jibūn “Mo,” ej kōkaduduin moder, m̧am̧a ilo kajin Swedish.

Doulul eo an Jiron̄ ro

Eddōkļo̧k eo an Juon Make

Tōrere ko jān amiloslava/iStock/Thinkstock