Jerbal Kiiō n̄an Jerbal Tokālik
Rijeje eo ej jokwe ilo Utah, USA.
“Kom̧win jerbal n̄an Irooj kōn aolepān būruōmi” (1 Samuel 12:20).
“Inaaj iakwōj ippām̧ ļo̧k n̄an m̧ōnjar en!” Mormon eaar ba, jitōn̄ļo̧k tawōr eo ej jādelōn̄ ijabōn ni ko. Innām eaar ettōr jon̄an wōt an maron̄ pād im̧aan jān ļaddik eo jatin, Morian.
Ļaddik ro im ro jineer im jemāer raar etetal laļļo̧k juon maeļ jān m̧weo im̧weer, ak Mormon im Morian raar iakwōj m̧ae rej tōpar inamōj in im̧ōn jar eo aer. Raar bōjrak n̄an bōm menwāer.
M̧okta wōt jān aer kar lale wōn eo ewin, juon ļaddik eaar lamōjļo̧k n̄an ippāer, “Kwokōņaan ikkure futebol?”
Mórmon em̧m̧an ippān futebol, ak e im baam̧le eo an raar etal im karreoik im̧ōn jar eo bwe en pojak n̄an jar raan eo juon.
Mórmon eaar kōjepoulul bōran. “Ejjab kiiō—bōlen tokālik!” eaar bar ikkurļo̧k.
Ekar jab to Mórmon im Morian rekar lukkuun in jerbal. Mórmon eaar kōm̧akūt jea ko im būruum̧i piļoor eo ippān jemān ejja iien wōt Morian eaar m̧abwe piļoor eo ippān jinen.
Tokālik ļaddik ro raar karreoki jim̧or kūlaaj in m̧ōn kōppojak eo. “Iaar jab ļōmņak bwe inaaj kar kōņaan karreoki im̧ōn jar eo, ak elimo̧, “Morian eaar. “Ak kwe, Mórmon? En̄in ke ej unin am̧ itok im jab ikkure futebol?”
Mórmon eaar ļōmņak kōn jemān. Eaar bisop eo an ward eo, ak ekar bōk iieņ n̄an jipan̄ karreoki im̧ōn jar eo.
“Ij pād ijin kōnke ikōņaan āinwōt Baba,” Mórmon eaar ba.
Innām eaar ļōmņak kōn mijenede ro ilo ward eo an. Raar boub in kōļļaļļaļ ilo kōjem̧ ko im kwaļo̧k kōn Bok in Mormon ippān ro jet. Rej karuwaineneik armej ro n̄an itok n̄an jar ilo im̧ōn jar eo ļaddik ro raar karreoki.
“Ij pād ijin kōnke juon raan ikōņaan jerbale juon mijen barāinwōt” Mórmon eaar ļōmņak. “Imaron̄ jipan̄ mijenede ro kōpooj im̧ōn jar eo.”
Mórmon eaar ļōmņak kōn ilju, ke e im ļaddik eo jatin rej ruj ilo 6:00 jibbon̄, etetalļo̧k n̄an im̧ōn jar eo kōn jōōt mouj im tae ko aer, im kōpooj jea ko im bok in al ko an ruum̧ eo an Būraimere.
“Ij pād ijin kōnke ikōņaan jerbale juon kūr ilo Kabun̄ in,” eaar ļōmņak.
Mórmon eaar ļōmņak kōn an epaak an erom juon tikōn. Enaaj leto letak kwojkwoj eo im bar kōm̧m̧ani men ko jet n̄an jerbal. “Ij pād ijin kōnke iiō in laļ inaaj bōk priesthood eo, im ikōņaan kōm̧m̧an jabdewōt imaron̄e kiiō n̄an pojak.”
Mórmon ededeļo̧k an kōm̧m̧ane juon men n̄an m̧aanjeppopo n̄an priesthood: eaar bōk an Nōbar Tōmak ilo Anij. Eaar jeļā kadede n̄an mour kake gospel in im jerbal n̄an ro jet.
Āliktata eaar arremeļo̧k ļaddik eo jatin ilo kūlaaj eo im etōn̄dikdik.
“Ij pād ijin kōnke ij iakwe Irooj,” eaar ba, “im kōnke jerbal kiiō enaaj jipan̄ eō pojak n̄an jerbal tokālik.”
Kōmeļeļe ko jān Adam Koford