Jar eo Aō ilo North Sea

Olaf Thorlief Jensen, Utah, USA

Ke iaar 17 iiō detta, kōm̧ ar jokwe ilo juon āne tuiiōn̄ in Norway ņae etan Andabeløy. Jema eaar oktaktok n̄an Kabun̄ in ilo Andabeløy, im iaar peptaij ilo lo̧jet ijeņ.

Iaar juon riān̄wōd jān iien in im imminene ilo kōjrak juon tim̧a. Jema eaar kōmālim e ilo jerbal ilo leto letak armej ro am kōjerbale jān armej in eria in.

Juon raan ilo 1941 kōm̧ ar bōk juon kūr jān taktō eo ilo Flekkefjord, n̄an turear. Juon kōrā eaar jokwe enan̄in ruo awa ko ettoļo̧k kōn tim̧a kar aikuj uno iien eo emōkajtata. Dr. Hoffman eaar kajjitōk eļan̄n̄e imaron̄ bōkļo̧k e n̄an loe liin, ak ro jinō im jema raar inepata kōn juon ļan̄ ej waļo̧k ilo North Sea. Kōm̧ ar pepe n̄an jar, kajjitōk ippān Jemedwōj Ilan̄ kōn ta n̄an kōm̧m̧ane. Kōm̧ ar bōk juon uwaak bwe ij aikuj wōnm̧aanļo̧k.

Ke iaar kōm̧m̧akūt Tryg, ļo̧o̧n in en̄od eo waaō (10 m) 31 ņe aetokan, n̄an lo̧jet, mejatoto eo eaar nana im ņo̧ ko rekar killep. Ālkin aō kar ektake taktō eo, iaar wōnm̧aanļo̧k wōt kōn ļōmņak eo jān bōke ilo̧jet ikōtaan dōkā ko. Kōm̧ ar itok n̄an juon bukwōn turear in Lista, ej pād ilo tuiiōn̄ in pārijet ko redōkāke ilo Norway’s —ebun̄bun̄ kōn ļan̄ im an kakkure tim̧a ko.

Iaar kōjbwebweik jān ļan̄ eo m̧ae iien kōm̧ ar po ilo juon bōke edōkāke, enan̄in 40 nee (12 m) kōjaan, eo ej iookļo̧k mejān kajjik eo am̧. Ņo̧ ko, relukkuun utiej iaar jab maron̄ kōjbwebweik ļo̧o̧n eo jān bōke eo, kar kaium̧ļo̧k n̄an bōke eo im dipōj dōkā ko.

“Ta eo jenaaj kōm̧m̧ane?” Taktō eo eaar kajjitōk ippān an kajoor kōto eo.

“Jej aikuj in jar kōn menin, “Iaar uwaak.

Iaar bōjrak im jar, kajjitōk ippān Jemedwōj Ilan̄ kōn tōl. Ejjab etto ke ij ba amen, juon uwaak eaar alikkar eaar itok n̄an n̄a. Eaar mōkaj aō keememej juon bwebwenato in juon rieo̧n̄ōd etto eaar jiron̄ tok eō. Eaar eo̧n̄ōd ilo ejja eria in ilo iien eo juon ļan̄ enana im ekar jab maron̄ kepaak parijet. Ke eaar kōttar jem̧ļo̧kin ļan̄ eo, eaar kile juon iaļ ilo ņo̧ ko rej jino ibebtok. Ālkin jilu ņo̧ ko reļļap raar ibebtok, jidik iien eaar ļae—eaar bwe iien n̄an an deļo̧n̄e bōke eo.

Iaar eo̧n̄ōd elōn̄ kōttan ilo ejja eria in ak ijjan̄in kar jeļā juon jon̄ak in ņo̧. Mekarta, iaar bōktok ļo̧o̧n eo n̄an im̧aan in bōke eo, ijo kōm̧ ar kōttar im lale āinwōt jilu ņo̧ ko reļļap rej ibebtok. Em̧ool eaar bwe, juon ļūr eaar waļo̧k ejjab etto. Iaar kōm̧akūt ļo̧o̧n eo m̧aanļo̧k ioon dān eo eļae n̄an lowaan bōke eo im kar bōktok Dr. Hoffman lo̧mo̧o̧r n̄an pārijet. Eaar kaiurļo̧k n̄an ippān kōrā eo enan̄inmej tōre eo iaar kōttar ilo ļo̧o̧n eo, kam̧oolol Jemedwōj Ilan̄ eaar uwaake jar eo aō.

Ke taktō eo eaar ro̧o̧ltok juon awa tokālik, eaar kwaļo̧k, “Kōm̧ ar lo̧mo̧o̧ren mour eo an!”

Mour jān nuuj ko im em̧m̧anļo̧k in mejatoto, iaar kōjbwebweik ļo̧o̧n eo n̄an kapijuknen eo ilo ejjeļo̧k jorrāān.

Ij kwaļo̧k aō kam̧ool bwe n̄e jej aikuj jipan̄, jej aikuj jar. Ijeļa bwe Jemedwōj Ilan̄ enaaj uwaak.

Ņo̧ ko raar utiej iaar jab maron̄ kōjbwebweik ļo̧o̧n eo jān bōke eo.