Mijen eo Ekwojarjar an Jisōs Kraist: Bread in Mour

Kanooj jar ilo ekkatak kein katakin in im pukōt n̄an jeļā ta eo n̄an kwaļo̧k. Ekōjkan naaj meļeļe mour eo im mijen eo an Rilo̧mo̧o̧r eo ej kōļapļo̧k tōmak eo ami ilo E im kōjeram̧m̧an ro kwoj (bōk eddoier}mije er kōn naan in katak an kōrā? N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Jesus Christ seated at a table with His apostles. The apostles are watching Christ as He breaks bread and offers it to them in remembrance of His body and blood. The painting depicts the institution of the Sacrament at the Last Supper.

Jisōs eaar ba, “N̄a bread in mour eo eaar itok jān lan̄: eļan̄n̄e jabdewōt armej ej m̧ōn̄ā jen bread in, enaaj mour indeeo” (John 6:51). “Jisōs eaar katakin kōj, rikaļoor ro An, bwe jej aikuj in reilo̧k wōt n̄an Anij kajojo raan kōn bread eo—n̄an letok jipan̄—kōn ta eo jej aikuji kajjojo raan,” Elder D. Todd Christofferson jen Doulul eo an Jon̄oulruo Rijilōk ro eaar ba. “Kūr eo an Irooj … ej kōnono kōn juon Anij eakwe, ej ļōmņak kōn men eo edik, aikuj ko aolep iien an ajri ro Nejij im m̧ōņōņō in jipan̄ eo, juon ļo̧k juon. Eaar ba bwe jen kajjitōk kōn tōmak eo an Armej ‘eo Ej wūjlep n̄an armej otemjej, im jab eņo̧uk kake, im Enaaj leļo̧k n̄an e’ (Jemes 1:5).”¹ Ilo ad meļeļe bwe Jisōs Kraist enaaj letok aikuj ko ad, jenaaj oktakļo̧k n̄an E kōn aikuj eo ad ilo jetōb.

Elder Jeffrey R. Holland jen Doulul eo an Jon̄oulruo Rijilōk ro ej kūr kōj “n̄an āinwōt rijilōk ro an Kraist m̧okta ro raar barāinwōt kōņaan bōk bread in mour—ro me raar jab ro̧o̧l ļo̧k ak ro raar itok n̄an E, raar pād Ippān, im ro raar kile kōn jokne im lo̧mo̧o̧ren eo ejjeļo̧k bar juon wāween renaaj kar bar maron̄ etal ie ļo̧k.”²

Bar jet eoon ko

Jon 6:32–35; Alma 5:34; 3 Nipai 20:3–8

Jān Jeje ko Rekwojarjar

Jisōs Kraist eaar katakin juon jarlepju elōn̄ļo̧k jān 4,000 armej ro ie. Ālkin jilu raan ko, Eaar ba n̄an rikaļoor ro An: “Ij tūriam̧okake jar eo, bwe raan … ejjeļo̧k kijeir:

“Im eļan̄n̄e Ij jilkinļo̧k er ilo aer jitlo̧k n̄an m̧ōko im̧weir, renaaj parōk ilo iaļ. …

“Im ro rikaļooran re uwaak E, Jān ia an armej maron̄ in kōmat er kōn pilawā ije i āne jem̧aden?

“Im [Jisōs ej kajjitōk ippāer, Jete pilawā ippemi? Im re ba, Jiljilimjuon.”

Innām Kraist “ej bōk jiljilimjuon pilawā ko, im jar, im ruji, im leļo̧k n̄an rū kaļooraņ bwe ren likūti im̧aan armej raņ; …

“Im e iiet ek ko redik ippāer: im Ej jar, im jiron̄ bwe ren barāinwōt likūti im̧aer.

“Im rej m̧ōn̄ā, im mat: im rej āti men ko re bwe jiljilimjuon iep.” Lale Mark 8:1–9.)