Kōpooj eok m̧okta jān Am̧ Jar

Būreejtōn Eyring ej kakeememej kōj bwe jar “ej ruo wāween kōnono ikōtaan Anij im ajri ro Nejin.” Bōk iien n̄an kōpopo n̄an jar ko ad remaron̄ kōm̧m̧an bwe wāween kōnono kein ruo ren jerbal. Komaron̄ kōjerbal jōōnōļ eo am̧ n̄an joļo̧k jet minit kōppopo ilo jar kajjojo raan. Komaron̄ kōlaajraki kōjeram̧m̧an ko kwoj kōņaan kam̧oolol Jemedwōj Ilan̄ kaki, armej ro raikuji jar ko am̧, im kajjitōk ko komaron̄ aikuji uwaak ko aer. Innām karuwaineneik tok Jetōb ilo am̧ al al in jar ko ak riiti jet eoon ko ilo jeje ko rekwojarjar. Ilo am̧ jar, lale wāween an Jetōb Kwojarjar eo tōl ta eo kwon ba, im lale en̄jake im ļōmņak ko am̧ (lale D&C 8:2–3). Reko̧o̧ti en̄jake ko am̧ ilo jōōnōļ eo am̧ im etali uwaak ko am̧ kwoj būki. Komaron̄ barāinwōt kōjerbal ikkure ko ilo peij 95–97 in Preach My Gospel: A Guide to Missionary Service n̄an jipan̄ eok etale jar ko am̧ im n̄an jeļā kile Jetōb Kwojarjar eo.