Mahino VAVE
Ko hoku hingoá ko Makinōlia. ʻOku ou ʻalu ki ha uooti ʻoku mau lea faka-Sipeini. ʻI he ʻaho ʻe taha naʻe haʻu ʻa Mia ki heʻeku kalasi Palaimelí. Naʻá ne lea faka-Pilitānia pē. Naʻá ku fie tokoni kia Mia ke ne ongoʻi ʻoku talitali lelei, ko ia ne u fakakaukau leva ke tokoni kiate ia. Te u hoko ko ʻene tokotaha fakatonulea!
Ko e Tauhi ki he Taimí
Naʻe ʻuluaki faingataʻa ke tulituli hake ki he faiakó ʻi heʻeku fakatonu lea kia Miá. Naʻe māmālie hifo leva e kau faiakó ke tuku mai haku taimi. Ne mau ongoʻi lelei kotoa ʻi heʻemau lava ke tokoniʻi ʻa Miá.
Faitatau ʻi he Ngaahi Meʻa Lahi
Naʻá ma fakatou toki papitaiso pē mo hilifakinima. ʻOkú ma fakatou saiʻia ʻi he hivá, tautautefito ki he ngaahi himí mo e ngaahi hiva Palaimelí. ʻOkú ma fakatou saiʻia ʻi he efiafi fakafāmili ʻi ʻapí. Pea ʻokú ma fakatou saiʻia ke lau ʻa e ngaahi talanoa ʻi he Liahoná.
Ko e Tokoni naʻe Fanafana maí
Ko hoku hingoá ko Mia. ʻOku lea faka-Sipeini ʻa ʻeku ongomātuʻá, ko ia ne mau ō ki he uooti lea faka-Sipeiní. Ne ʻikai mahino kiate au e meʻa naʻe lea ʻaki ʻe he kakaí. Naʻe sio ʻa Makinōlia naʻá ku loto-foʻi. Naʻá ne hiki ʻo tangutu ofi mai kiate au mo fanafana mai ʻa e lea faka-Pilitāniá ʻi hoku telingá.
Kaungāmeʻa Leleí
HIli ʻa e Palaimelí, naʻá ku kole kia Makinōlia pe te ne hoko ko hoku kaungāmeʻa. Naʻá ne talamai ʻio. Talu mei he taimi ko iá, naʻe hoko ʻa Makinōlia ko hoku kaungāmeʻa mo ʻeku taha fakatonulea. Naʻá ne tokoniʻi au ke maʻu mo ha ngaahi kaungāmeʻa kehe.
Fai e Meʻa naʻe Fai ʻe Sīsuú
ʻE lava ʻe he tokotaha kotoa ke tokoniʻi e kakaí, ʻo hangē ko hono tokoniʻi au ʻe Makinōliá. Lotú. ʻE tokoni atu ʻa e Tamai Hēvaní ke ke ʻiloʻi pe ko hai ke tokoniʻí. ʻOku hangē pē ia ko e foʻi hiva, “If The Savior Stood Beside Me” (Friend, Oct. 1993, 14). Te tau lava ʻo feinga ke fai ʻa e meʻa naʻe finangalo ʻa Sīsū ke tau faí.