Ngaahi Fakakaukau Maʻá e Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo e ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. ʻOku ʻoatu heni ha fakakaukaufakakaukau ʻe ua.

“ʻI he Hoko Mai ʻa e Veiveiuá mo e Ngaahi Fehuʻí,” peesi 38: Hili hono lau e fakamatalá, fakakaukau ke aleaʻi ʻe he fāmilí ʻa e faikehekehe ʻo e fehuʻí mo e veiveiuá. Lau e ngaaahi fakamatala ʻo e kakai ʻi he folofolá ʻa ia ne ʻi ai haʻanau ngaahi fehuʻi mo e meʻa naʻa nau fai fekauʻaki mo kinautolú (hangē ko ʻení, 1 Nīfai 11; ʻEta 2:19–3:16; Siosefa Sāmita—Hisitōlia 1:10–19; pe ko e maʻuʻanga fakamatala ʻi lalo he endnote 1 ʻi he fakamatalá).

Te ke lava ʻo kole ki ha kau mēmipa tokosiʻi ʻo e fāmilí ke feinga ke nau maʻu haʻanau ngaahi fehuʻi ʻe niʻihi. Hili iá pea fakaʻaongaʻi e folofolá, lds.org/topics, pe ngaahi meʻa ne aʻusia fakatāutahá ke maʻu e ngaahi talí. ʻE tokoni hono fakatupulaki ha ʻātakai ʻo e tauʻatāiná mo e faitotonú ʻi he ʻapí ke ongoʻi fiemālie ʻa e kau mēmipa ʻo e fāmilí ke fai ʻenau ngaahi fehuʻí.

“Ko e Teuteu ki he Toetuʻú,” peesi 70: Kimuʻa he efiafi fakafāmili ʻi ʻapí, te ke fie hiki e ngaahi ʻahiʻahi fakaʻahó ʻi ha ngaahi laʻi pepa. Hangē ko ʻení, “ʻOku kamata ke ke ongoʻi ʻita ʻi he ʻikai ke vahevahe ho tuongaʻané ʻene meʻa vaʻingá mo koé,” pe “ʻOkú ke fakatokangaʻi ʻoku mata mamahi e tangataʻeikí ʻi heʻene foki mai ki ʻapi mei he ngāué ʻi ha pō ʻe taha.” Kole ki hoʻo fānaú ke nau taufetongi ʻi hono fili ha laʻi pepa, lau e meʻa ʻoku hokó, pea fokotuʻu e founga te nau lava ai ʻo hangē ko e Fakamoʻuí ʻi he tūkunga ko iá. Fakafeʻiloaki e ʻekitivitī ʻo e Toetuʻú ʻi he fakamatala ko ʻení pea fakaafeʻi hoʻo fānaú takitaha ke tali ʻa e tukupā ʻaho-ʻe-fitu ke ako kau kia Sīsū Kalaisí mo muimui ʻi Heʻene sīpingá.