Tohi ʻa Molomoná ʻi he Lea Fakafonua ʻe 110

Kuo aʻu hono liliu ʻo e Tohi ʻa Molomoná he taimí ni ki he lea fakafonua ʻe 110, hili hono toki pulusi ʻi he lea faka-Kosaleá. Ko Kosaleá ko ha kiʻi motu ia ʻi he ʻOtu Motu Fakatahataha ʻo Maikolonīsiá.

ʻE lava ke maʻu atu ʻi Siulai 2015, ha tatau ʻo e Tohi ʻa Molomoná kuo paaki he lea faka-Kosaleá. Naʻe lava ʻi Māʻasi ʻo maʻu hono tatau fakaʻilekitulōniká ʻi he LDS.org, kae pehē ki he Laipeli ʻo e Ongoongoleleí pea mo e polokalama ʻa e Tohi ʻa Molomoná ki he device toʻotoʻó. ʻOku tukuange atu he taimí ni ʻe he Siasí ʻa e ʻū tatau fakaʻilekitulōnika ʻo e folofolá ʻi he taimi tatau pē ʻoku tukuatu ai hono tatau fakapepá ke pākí. ʻOku malava ai ke toe vave ange hono maʻu ʻe he kāingalotú ʻa e liliu paaki ʻo e folofolá.

ʻOku ʻi ai ha ngaahi liliu foʻou ʻo e folofolá ʻe fanongonongo atu he taʻu ʻe ua ka hokó. ʻE pulusi ʻi he 2015 ha lea fakafonua foʻou ʻe tolu ʻo e Tohi ʻa Molomoná pea lea fakafonua foʻou ʻe nima ʻo e folofola ʻe tolu kuo fakatahaʻí (Tohi ʻa Molomoná, Tokāteline mo e Ngaahi Fuakavá, mo e Mataʻitofe Mahuʻingá ʻo paaki fakatahaʻi). ʻE toki fakahā ke ʻilo ʻe he kāingalotu ʻo e ngaahi lea fakafonua ko ʻení, ʻa e taimi ʻe pulusi ai mo e tatau fakaʻilekitulōniká.