Vitiō ʻo e Tohi Tapú ki Hono Fakamālohia ʻo e Tuí

Te ke lava ʻo tokoni he taʻú ni ke fakamālohia e tui kia Sīsū Kalaisí—ʻa hoʻo tui ʻaʻau mo e niʻihi kehé—ʻi haʻamou mamata mo vahevahe atu e Vitiō Fakatohitapu ki he Moʻui ʻa Sīsū Kalaisí ʻi he BibleVideos.org pea mo e polokalama ki he Ngaahi Vitiō ʻo e Tohi Tapú.

ʻOku ʻoatu taʻetotongi ki he ngaahi siasi kehé ʻa e maʻuʻanga tokoni langaki ko ʻeni ʻo e tuí, ko ha feinga ke vahevahe atu e pōpoaki ʻo e Fakamoʻuí ki he lahi taha ʻe lavá ʻi he funga ʻo e māmaní, ke tokoni ʻi hono tataki kinautolu ke nau ongoʻi ʻEne ʻofá pea nau fie hoko ʻo hangē ko Iá.

ʻI he vitiō Tohi Tapu ʻe 92 kuo faʻu ʻe he Siasí he taʻu ʻe tolu kuohilí, kuo ʻosi liliu hanau konga lahi mei he lea faka-Pilitāniá ki he lea ʻo e 92 vitiō kuo faʻu ʻe he Siasí ʻi he taʻu ʻe tolu kuo hilí, ne laka hake ʻi he vaeua naʻe liliu mei he lea faka-Sipeiní, faka-Potukalí, faka-ʻĪtalí, faka-Falaniseé, faka-Lūsiá, faka-Siamané, faka-Kōleá, faka-Siapaní mo e faka-Siainá.