Elder Taylor G. Godoy

General Authority Seventy

Sa daghang katuigan sa iyang propesyon, si Elder Taylor G. Godoy mihimo og mahinungdanong mga desisyon nga dako og epekto sa iyang kinabuhi.

Nagtrabaho siya isip dentista, nakasugod na og usa ka klinika, ug nagplanong motudlo og mga academic sa dental surgery. Apan usa ka pinalangga ug kasaligang lider sa priesthood midapit kaniya nga motrabaho sa Seminaries and Institutes.

Ang pagbiya sa malambuong makapawili nga pagpili nga para sa batan-ong dentista, kinsa gipaluyohan niadtong Abril 1, 2017, isip General Authority Seventy. Daghan sa iyang mga kaubanan dili makatuo nga makaako siya sa pagbiya sa iyang propesyon.

“Apan nasayud ko nga husto kini nga pagpili,” miingon siya. Ang dili kaduha-duhaang kamatinud-anon maoy timaan sa pagkakabig sa Simbahan. Ang pagtabang sa uban nga makadiskobre ug mahigugma sa ebanghelyo napamatud-an nga usa ka oportunidad nga makapausab sa kinabuhi ug panalangin.

Atol sa iyang panarbaho sa edukasyon sa Simbahan, si Elder Godoy nagtrabaho isip magtutudlo sa institute, coordinator, direktor ug direktor sa nasud. Bag-ohay lang, siya ang area director sa South America Northwest sa Seminaries and Institutes.

Si Taylor Guillermo Godoy Atanacio natawo sa Lima, Peru, niadtong 1968, kang Taylor Godoy ug Adalzahinda Atanacio. Namatay ang iyang papa sa bata pa siya, ug gipadako siya sa iyang ama-ama nga si Elias Rebaza. Mipasakop sa Simbahan si Elder Godoy dihang 17 anyos siya.

Human makaserbisyo sa Peru Lima North mission, miuli siya sa yuta niyang natawhan sa Arequipa. Didto milambo ang iyang kasuod sa usa ka batan-ong babaye nga ginganlan og Carol Pacheco. Ang magkaparehong kinabig gikasal niadtong Mayo 31, 1994, sa Lima Peru Temple. Mga ginikanan sila sa duha ka mga anak.

Nakaangkon si Elder Godoy og bachelor’s degree sa dentistry sa Catholic University of Santa Maria niadtong 1993 ug master’s degree in administration sa Technical University sa Madrid niadtong 2006.

Nakaserbisyo siya isip bishop, high councilor, stake president, direktor sa public affairs sa area, ug Area Seventy.