Bag-ong mga Produkto ug Kapanguhaan

Ania ang summary sa bag-ong mga produkto ug kapanguhaan nga bag-ohay lang nga anaa sa Simbahan.

Mga istorya sa kasulatan ug mga libro nga koloranan. Aron madasig sa indibidwal ug pamilya nga pagtuon sa kasulatan, mipagawas ang Simbahan og bag-ong mga kapanguhaan sa mga sugilanon sa kasulatan, nagsugod sa sumpay-sumpay nga mga libro nga koloranan nga gidesinyo para sa mga bata nga nanag-edad og 2–8. Ang libre nga bersyon sa PDF anaa sa scripturestories.lds.org, ug ang inimprinta nga bersyon ma-order sa store.lds.org ug sa mga Distribution Services center.

Ang mga libro nga koloranan hubaron ngadto sa mga pinulongan nga dunay mga LDS nga edisyon sa kasulatan. Ang nahubad nang mga bersyon magamit na sa tibuok 2017, sugod sa Spanish, Portuguese, French, Japanese, Korean, Chinese (tradisyonal), German, Russian, ug Italian.

Mga Kasulatan. Sa Unang Kapangulohan mipahibalo sa bag-ong nahubad nga triple combination sa mga kasulatan nga French, nga anaa na sa écritures.lds.org ug sa Gospel Library mobile app. Ang hubad naglakip og ginagmayng kausaban sa mga pulong sa usa sa mga pag-ampo sa sakrament. Gipahibalo usab nila nga ang hubad sa Croatian sa triple combination naa na sa internet. Ang inimprinta nga edisyon sa triple combination sa Croatian, Russian, ug Icelandic usab bag-o lang nga nahimo og anaa na.

Tabang alang sa mga pamilya nga may problema sa pagkaibug sa sama og sekso. Aron matabangan ang mga miyembro sa pag-atubang sa sensitibo ug mabinationg paagi mahitungod sa problema sa pagkaibug sa sama og sekso diha sa kaugalingon nilang pamilya, tali sa ubang mga miyembro sa Simbahan, o bisan asa, ang mga kapanguhaan naglakip og bag-ong site mormonandgay.lds.org ug usa ka updated Gospel Topic mahitungod sa pagkaibug og sama nga sekso (sa Iningles), lakip na sa mga pangutana nga kanunayng ipangutana.

Updated Gospel Library app. Ang application nga gigamit sa mga miyembro sa tibuok kalibutan sa pagtuon sa kasulatan, mga pakigpulong sa komperensya ug ubang materyal, bag-o lang gi-release ang major nga update alang sa iOS ug sa Android. Sa bersyon 4, nga tools sa pagtuon sa mas dali nga paagi, ang mga feature ug functions natingub na, ug ang bag-ong video tutorial naa na. Tungod kay ang tanang content karon pwede nang mabutangan og notes, makahimo ka na sa pag-highlight, pagdugang og komentaryo sa, link, tag, ug iorganisar ang tanang content ngadto sa mga notebook. Mahimo nimong mabutangan og notes ang mga video, mga ulohang kapitulo sa kasulatan ug mga tabang sa pagtuon, mga lista sa lain-laing mga manwal sa leksyon, mga himno, mga kanta sa Primary, ug daghan pa.

Updated nga application sa LDS Tools Ang bersyon 3.2.0 sa mobile application sa LDS Tools makahatag og kasayon sa motambong sa templo. Ang mga feature nga gidugang magtugot sa mga miyembro nga makita kon asa sila na-assign nga templo, sa pagpangita sa lima ka kinaduolang templo, pagkontak sa templo o pagkahibalo kon kanus-a kini sirado, ug mapahinumduman kon kanus-a mo-expire ang ilang rekomend.