Ngaahi Talanoa ʻo Sīsuú
Naʻe Fakamoʻui ʻe Sīsū ʻa e Kakaí
Mei he Maʻake 5:22–43.
ʻI ha ʻaho ʻe taha naʻe kole ʻe ha tangata ko hono hingoá ko Sailosi kia Sīsū ke ʻalu ange ki hono falé. Naʻe puke hono ʻofefiné pea naʻá ne fie maʻu ha tāpuaki.
ʻI he fononga atu ʻa Sīsū ki he fale ʻo Sailosí, naʻe ʻi ai ha fefine ʻa ia kuo lava ha taʻu ʻe 12 ʻene puké naʻá ne mamata kia Sīsū. Naʻá ne tui ʻe lava ʻa Sīsū ʻo fakamoʻui ia. Naʻá ne kakapa atu ʻo ala ki he kapa ʻo e kofu ʻo Sīsuú.
Naʻe fakamoʻui ʻa e fefiné! Naʻe talaange ʻe Sīsū ne fakamoʻui iá koeʻuhí ko ʻene tuí.
Hili iá ne aʻu mai ha tokotaha mo ha ongoongo fakamamahi. Kuo mate ʻa e ʻofefine ʻo Sailosí. Naʻe fuʻu tōmui nai kia Sīsū ke tāpuakiʻi ia?
Naʻe talaange ʻe Sīsū kia Sailosi ke ʻoua ʻe manavahē kae tui pē. ʻI he taimi naʻe aʻu atu ai ʻa Sīsū ki he fale ʻo Sailosí, naʻá Ne fekau ki he ʻofefine ʻo Sailosí ke tuʻu hake. Naʻe ʻāʻā hake hono matá. Naʻe toe moʻui ia! Naʻe ofo ʻene ongomātuʻá.
Te tau lava pē mo kitautolu ʻo maʻu ʻa e tui kia Sīsū Kalaisí. ʻOku kei ʻi māmani pē Hono mālohi faifakamoʻuí, pea te tau lava ʻo kole ha tāpuaki ʻo e lakanga fakataulaʻeikí ʻi ha taimi pē te tau fie maʻu ai.