Ngaahi Fakakaukau ki he Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo ha ngaahi ʻekitivitī ʻe lava ke fakaʻaongaʻi ʻi he efiafi fakafāmili ʻi ʻapí. Ko ha sīpinga ʻeni ʻe ua.

“Ko e Mo‘ui Fakafalala pē Kiate Kitá mo Hono Ako ʻo e Ongoongoleleí,” peesi 42: Fakaʻaongaʻi ʻa e ʻekitivitī ko ʻení ke fakatātaaʻi ʻa e mahuʻinga ko ia ke maʻu haʻo maama fakalaumālie pē ʻaʻau. Tāmateʻi ʻa e ʻuhilá pea kole ki he fāmilí ke nau tā ha fakatātā. ʻAi ha tokotaha ke ne fakaʻaongaʻi ha kasa pe teʻelango ke hulu ʻaki ʻene tā fakatātaá. Hili ha ngaahi miniti si‘i, toe fakamoʻui ʻa e ʻuhilá. Fakamatala ki he faikehekehe ʻo e malava ke fakakakato ʻa e ngāué pea aleaʻi leva ʻa e ngaahi tefitoʻi moʻoni ʻoku hā ʻi he talanoá.

“Hoko ʻo hangē ko Sipiloní,”“Hoko ʻo hangē ko Sipiloní,” peesi 73: Ko hai e kakai ʻokú ke saiʻia taha ai ʻi he folofolá? Fakakaukau ke fakaʻaongaʻi e vaʻinga ko e “fakatātaaʻi ʻo e folofolá” pe “ngaahi fakatātā ʻo e folofolá.” Fakatātaaʻi ha talanoa ʻi he folofolá pe tā fakatātaaʻi ia ʻi ha laʻipepa taʻe te ke puʻaki ha foʻi lea. Tuku ki he fāmilí ke nau mateʻi atu ʻa e talanoa ʻi he folofolá pe kakai ʻoku kau ki aí. Mou toki lau leva ʻi he folofolá kau ki he kakai ko ʻení mo aleaʻi e ʻuhinga ʻokú ke saiʻia ai ʻiate kinautolú. Ko e hā hanau ngaahi ʻulungaanga ʻokú ke fie fakatupulaki?