Fānau Lotoʻofá
Ngaohi Tamapuá mo e Fakakaungāmeʻá
Mālō e Lelei! Ko Siakisoni au, mei Siamane, pea ko hoku tokouá ʻeni, ko Sōsaia, mo hoku tuofefiné, ko Kola Seiti.
Ko ha Fakakaukau Fakaʻofoʻofa
ʻOku tokolahi ʻa e kakai ʻoku nau haʻu ki Siamane ʻi he taimi ʻoku ʻikai ke nau kei malu ai ʻi honau fonuá. ʻOku ui kinautolu ko e kau kumi hūfangá. ʻOku ʻikai ke ʻi ai ha meʻavaʻinga ʻa e kauleká, ko ia naʻá ku ʻoange leva ʻeku meʻavaʻingá maʻanautolu. Naʻe haʻu kiate au ha foʻi fakakaukau lelei. Naʻá ku kole ange ki heʻeku faʻeé pe ʻe lava ke mau ngaohi ha ngaahi tamapua maʻanautolu.
Tuitui mo e Fineʻeikí
‘Oku ou manako ke tuitui mo ‘eku fineʻeikí. ʻOku ou moloki ʻa e meʻa-malaki ʻo e mīsini tuituí mo faʻo ʻa e vavaé ki he tamapuá.
Ngaahi fakamatala Fakafiefiá
Naʻe tānaki ʻe hoku fāmilí ha ngaahi vala mo ha ʻū meʻavaʻinga ke foaki maʻá e kau kumi hūfanga ʻi hení. Naʻa mau tā maʻanautolu ha ngaahi fakatātā ʻo e ngaahi meʻa ʻoku mau fiefia aí.
Ngaahi Kaungāmeʻa Foʻou
Naʻa mau ʻave ʻa e ʻū tamapuá ki he ngaahi ʻapitanga hūfangá pea foaki ia maʻá e fānau ʻi aí. ʻOku ou saiʻia ke fakakaungāmeʻa ki he niʻihi kehé!
Fānau Au ʻa e ʻOtuá
Naʻa nau hiva ha ngaahi hiva maʻamautolu, pea ne mau tā ʻemau meʻaleá maʻanautolu. Ko e taimi naʻa mau tā ai ʻa e “Fānau Au ʻa e ʻOtuá” naʻe malimali ʻa e niʻihi ko ia naʻe loto-mamahí. Ne u fuʻu ongoʻi fiefia ʻaupito.
ʻOku ʻOfa ʻa Sīsū ʻIate Kitautolu
Ko e fānau naʻa mau fetaulaki mo iá ʻoku nau tatau pē mo kimautolu ʻi ha ngaahi founga lahi. ʻOku mau saiʻia kotoa pē ke hiva mo maʻu ha ngaahi meʻa-vaʻinga mo vaʻinga ʻi tuʻa. ‘Oku ou ʻilo ‘oku ʻofa ‘a Sīsū ʻiate kinautolu, pea ‘okú Ne ʻofa ‘iate au.
Ki ha ngaahi fakakaukau lahi ange ki hono tokoniʻi e kau kumi hūfanga ʻi hoʻo ʻēliá, vakai ki he lds.org/go/61775.