I Kakoauaia Anera
Te Uea e ataa te kanganga ae kam kaitaraa. E kinai ngkami, E tangiri ngkami, ao I berita, E na kanakoia anera ni buoki ngkami.
Tariu ao Mwaaneu, I kakoauaia anera, ao I tangiria n tibwaia ma ngkami te bwai ae I rinanona ma ngaiia. Ni karaoan aio, I kantaningaia ao n tataro bwa ti na kinaa bonganaia anera inanon maiura.
Aikai ana taeka Unimwaane JeffreyĀ R. Holland man te maungatabu ni kabuta ae nako: āNgkana ti taekiniia ake a riki bwa tabonibain te Atua, ti kauringaki bwaa tiaki anera ni kabane ake man iteran te roki are teuana. Tabeman mai buakoia ti nakonako ao n taetae ma ngaiiaāikai, ngkai ao ni katoa bong. Tabeman a maeka irarikira. ā¦ NI koauana karawa e aki taraa ni kaan nakon are ngkana ti noora ana tangira te Atua are kaotaki inanon te akoi ao nanoia aomata n raoiroi ao ni itiaki ae te anera are bon ti te taeka ae roko n te iangoā (āThe Ministry of Angels,ā Riaona, Nobembwa 2008, 30).
Bon aroia anera iaon te itera aio ae I kan taekinna. Taian anera ake a nakonako ibuakora ni katoa bong bon taan kauringira aron ana tangira te Atua ibukira.
Moan anera are I kan kaotiia bon uoman aine aika mitinare ae a reireinai te euangkerio ngke te ataeinimwane ngai, Titita Vilma Molina ao Titita Ivonete Rivitti. Mwaneu ae uarereke ao ngai ti kaoaki nakon ana bootaki te Ekaretia ike ti a kaitibo ma anera aika uoman aikai. I aki iangoia bwa te bootaki ae uarereke e kona ni bita maiu.
Au karo ao natiia a aki nano n reiakinan riki te Ekaretia n te tai arei. Ao a bon aki naba kariaia mitinare n roko ni mweengara, ma ngaia are I reirei n autin te Ekaretia. Te ruu ae uarereke n te umwantabu e riki bwa au ābuakonikai ae tabu.ā
Teuana namwakaina imwin taekinan te euangkerio nakoiu, I bwabetitoaki. Ai tibwa te 16 au ririki. I karautaeka, bwa akea irou tamnein te tai ae kakawaki anne, ma iai tamnein mwaneu ao ngai ngke ti ira te bootaki. I tangiria ni kabwarabwara bwa antai aika n te tamnei aio. Ngai ae abwabwaki riki n te angatai.
N aron ae kam kona ni iangoia, te tiku ni kakaonimaki inanon te Ekaretia bon te kakaewenako iroun te kairake ae tebwitabun ana ririki are e a tibwa bitaki aron maiuna ao ana utu a ki toua te kawai ae aekan anne.
Ngke I kataia ni bitai nakon maiu ae boou te katei ae boou, ao raraou aika boou, I namakina te aki mwengaraoi. I namakina te maroa ao te bwaranano n taai aika mwaiti. I ataia bwa e koaua te Ekaretia, ma iai au kanganga n namakina mwakorona tabeua. Inanon te aki mweengaraoi ao te aki koaua ngke I kataia ni kabanea nanou nakon au aro ae boou, E reke irou te unganano ni ira aia maungatabu te roronrikirake ae tenibong bongina, ae I taku bwa na buokai ni karekeia raraou aika boou. Aio ngke I a kaitibo ma au anera ni kamaiu, arana Monica BrandĆ£o.
E boou nakon te aono, bwa a kamwaeaki man mwakoron Brazil teuana. E waetata n reke nanou irouna ao, te tekeraoi ibukiu e kariaia bwaa raaraou. I kanamakinna bwa e tabeakina riki arou n aomata nakon taraau n rabwatau.
Bukina bwa e iraorao nakoiu, I kabwarabwaraaki nakoia raraona, ake a manga riki bwa raraou ngke ti iriri bootakin te roronrikirake ake I iriri rimwi. Bobotaki aikai a rangi ni kakawaki nakon bitakin arou nakon te maiu ae boou aio.
Raao aika boou aikai a karika te kaokoro ae korakora, ma n akean te euangkerio n reiakinaki ni mweengau ma te boutoka irouia te utu e karika te kanganga iaon kawaiu n rairaki. Au waaki ni itoman n te Ekaretia e rikirake n rangi ni kakawaki nakon rikirakeu nakon te bitaki. Ngkanne uoman riki anera aika manga kanakoaki iroun te Uea bwa ana ibuobuoki.
Temanna mai buakoia bon Leda Vettori, au tia reirei n te tieminari n te moan ingabong . Rinanon ana tangira ni bubutimwaai ao ana kiraati ae anai nano, e anganai ni katoa bong tibwangau n āana taeka te Atu ae tamaroaā(Moronaai 6:4), ae kainanoaki inanon au bong. E buokai aio ni karekea te korakora n tamneiu bwa na waaki nako.
Temanna riki te anera ae kanakoaki ni buokai bon te beretitenti n te Bootaki n Ataeinimwane, Marco AntƓnio Fusco. E kanakoaki nakoiu be na riki bwa au tinia ao toau ni kakawari n te mweenga. Engae ni memeere au atatai ao kaokoron teiu, e anganai tibwangau bwa N na reirei ni bootakin ara kooram n te nakoa ni ibonga ao te kakawari n reirei n te mweenga. E karekea au tai ni mwakuri ao n reirei ao tiaki ae ti te tia mamtaku n te euangkerio. E onimakinai nakon ae I bon onimakinai.
Te kakaitau nakoia anera aikai, ao a mwaiti riki ake I a tia ni kaitibo ma ngaiia inanon ririki ngkoa aika kakawaki, I a tia ni karekea te korakora ae tau n tiku iaon kawain te berita ngkai I karekea ana kakoaua te tamnei iaon te koaua.
Ao irarikina, te anera are te ataeinaine, MĆ“nica? Imwiin karaoan ara mition, e riki bwa kaain abau.
I aki iangoia bwa te bwai ae maninanti are raao aika raraoi, taben te Ekaretia, ao ni kamwaarakeaki n ana taeka te Atua ae raoiroi bon mwakoron te waaaki anne. Beretitenti GordonĀ B. Hinckley e reirei ma te wanawana: āBon tiaki te bwai ae bebete karaoan te bitaki kaainakin te Ekaretia aio. E nanonaki bwa e na toki am reitaki ake ngkoa. E nanonaki bwa a na kitanaki raao. E kona n nanonaki bwa katukan koaua ake a mamate nanom iai. E na bae ni kainanoa bitakin te katei ao tararuan te kan amwarake. Ni keiti tabeua nanona bwa te maroa ao makakin te bwai ae e na riki. A na iai kamwarakeakina ao kakorakorana inanon tain kanganga ni maiun te aomata ae rairakiā (āThere Must Be Messengers,ā Ensign, Oct. 1987, 5).
Imwiina e manga taku, āNgaiia n tatabemaniia a kainanoi teniua bwaai: te rao, te mwiokoaki, ao kamwarakeaia n āana taeka te Atua ae raoiroiāā (āConverts and Young Men,ā Ensign, May 1997, 47).
Bukin tera I tibwai namakin aika ma ngkami?
Te moan, bon kanakoan te rongorongo nakoia ake a na rinanon te waaki ae titebo ma aikai ngkai. Tao ngkoe te aomata ae ko a tibwa rairaki, ke ko a tiba oki nakon te Ekaretia i mwiin te tiotionako n te tai ae maan, ke temanna ae e kekeiaki n rin. Taiaoka, taiaoka, tai bwara n nano n am kekeiaki n riki bwa mwakoron te utu ae bubura aio. Bon ana Ekaretia Iesu Kristo ae koaua!
Ngkana bon ibukin kukureim ao kamaiuam, e bon bongana n taainako te kakorakora ni kataia. E uana te kekeiaki ni bita aron maium ao am katei ni kawai. Te Uea e ataa te kanganga ae kam kaitaraa. E kinai ngkami, E tangiri ngkami, ao I berita, E na kanakoia anera ni buoki ngkami.
N oin ana taeka te Tia Kamaiu e taku:: āN na rimoami. N na mena i angataimi ao n angamaingimi, ao Tamneiu e na mena [inanomi], ao au anera a mena i buakomi, n tabekiko rake.ā (Reirei ao Berta aika Tabu 84:88).
Te kauoua ni kantaninga ibukin tibwakin namakin aikai bon kanakoan te rongorongo nakoia membwa n te Ekaretiaānakoira ni kabane. Ti na uringa bwa e aki bebete ibukia aika tibwa rairaki, raao aika tibwa oki, ao ake a kaokoro aron maiuia n roko n rin. Te Uea e atai kanganga are a kaitarai, ao e kakaeia anera ake a kan karaoa te buobuoki. E aki toki te Uea ni kakaeia aika a kan buobuoki n riki n anera ni maiuia tabeman.
Tariu ao Mwaaneu, ko kukurei n riki bwa tabonibain te Uea? Ko kona ni motinanoia n riki bwa temanna ngkoe te anera? Te riki bwa te tia ua rongorongo, ae kanakoaki mairoun te Atua, man iteran te rabuna aei, ibukin temanna ae E nanoangaia? E kainanoiko. A kainanoiko.
Bon te koaua, ti konaa n taainako n onimakiniia ara mitinare. A mena ikekei n taainako, taan moan roko ni kabaeara n te mwakuri n anera aio. Ma a bon aki tau.
Ngkana ko tarataranako ma te karaurau ko na kuneia aika mwaiti aika kainanoa ana buoka te anera. Aomata aika a aki kunikainiia n te mainaina, ke kunikai ae mwarairai, ke kunikai ae onoti n te Taabati. A kona n tekateka n tii ngaia i akuun te umwantabu ke n te umwan reirei, n tabetai a namakina ae kaanga aki kona n nooraki. Tao tein iraia tao e rang kaokoro ao aia taetae e kaokoro, ma a mena ikekei, ao a ekeiaki.
Tabeman tao a na iangoia: āE riai bwa na okioki? E riai bwa na kataia?ā Tabeman tao a iangoia ngkana tebongina a na namakina butimwaeaia ao tangiraia. Anera a kainnanoaki, n te tai aei, anera aika a tauraoi ni katana ai tabo ae kamwengaraoi ni butimwaaia;A; ā[aomata aika a] rang raoiroi ao rang itiaki te anera bon ti te taeka are e roko nakon te iango [ni kabwarabwarakiia]ā (JeffreyĀ R. Holland, āThe Ministry of Angels,ā 30).
Tariu ao mwaneu, I kakoauaia anera! Ti mena ikai n te bong aei, aia taanga ni buaka anera aika katabuaki i bukin boong aika kaitira, n ibuobuoki nakoia tabeman bwa raon bain te Tia Karikibwai. I berita bwa ngkana ti motinanoia ni beku, te Uea e na anganiira taai are ti na riki bwa anera aika ibuobuoki. E ataia bwa antai aika kainanoa aia ibuobuoki anera, E na kaaki iaon kawaira. Te Uea e na katikuiua ake a kainanoa aia ibuobuoki anera iaon kawaira ni katoa bong.
I rang kukurei ibukiia anera aika a mwaiti are katikuia te Uea inanon kawaiu inanon maiu. A kainanoaki. I rang kukurei ibukin Ana euangkerio are buokira ni bitaki ao n anganira te tai n riki n raoiroi riki.
Aio te euangkerio n tangira, te euangkerio n ibuobuoki. Ibukin aio I kakoaua n aran Iesu Kristo, amen.