Unimwaane Brent H. Nielson
Beretitentii n te Itingaun
Teuana te reirei ae kakaawaki ae reiakinna Unimwaane Brent H. Nielson imwiin kitanakin te Ekaretia iroun temanna kaain ana utu bon ni kabane natin te Atua a kainnanoa ana tangira te Tia Kamaiu ao mwaakan Ana Mwakuri ni Kamaiu.
Inanon kamatebwaian Ruka 15 ma ana utu inanon te tai aei, Unimwaane Nielson e taraa te taetae ni kaikonaki ibukin te nati ae bakatae n te kawai ae boou.
“Ibukin bwaai tabeua, e titebo au namakin ma te nati te mwaane are e tiku n te mweenga. … N te ingabong anne, I ataia bwa n aanga tabeua ao Ngai bon te nati te mwaane ae bakatae,” e taku. “Ngaira ni kabane ti aki tau nakon mimitongin te Tama (tara I-Rom 3:23). Ngaira ni kabane ti kainnanoa Ana Mwakuri ni Kamaiu te Tia Kamaiu bwa e na kamarurungira. Ngaira ni kabane ti bua ao ti kainnanoa kakaeakira.”1
Unimwaane Brent Hatch Nielson e kamatoaki bwa kaain te Beretitentii n te Itingaun n Okitobwa 3, 2020, imwiin kamotirawaan Unimwaane L. Whitney Clayton, are e anganaki te kinaaki ae rietaata.
Unimwaane Nielson e bungiaki i Burley, Idaho, USA, n Ritembwa 8, 1954. Ngke e kairake ao e a tia ni mitinare i Finland. E mare ma Marcia Ann Bradford inanon Tuun 1978 n te Salt Lake Temple. Ngaia kaaro irouia natiia aika onoman.
Unimwaane Nielson e karekea te bachelor of arts degree n te English man Brigham Young University inanon 1978. Inanon 1981 e karekea te juris doctor degree man the University of Utah. E waaki ni mwakuri bwa te rooia ao kaain te botaki n tua i Twin Falls, Idaho, USA, inanon te maan ae kaania 30 ririki.
E a tia Unimwaane Nielson ni beku bwa te kauntira n Aonon Tebetebeke ao Biribin ao bwa te Beretitenti n Aonon Biribin. Man 2015 nakon 2020, e beku bwa te Mataniwii n Tarekita n te Missionary Department.
Imwain ae e weteaki bwa te Mataniwi ni Kabuta ae te Itingaun n Eberi 2009, e beku bwa te Bereitenti n te Botaki n Ataeinimwane n te Uoote, te bitiobi, te kauntira ae rietaata, te kauntira n te beretitentii n te titeiki, te beretitenti n te titeiki, ao te Itingaun n te Aono ni mwakoron Idaho.