Te Onrain Tititem ibukin Aara ake ana Tataroaki n te Tembora
E a tia ni karaoaki te onrain tititem bwa aonga ni kona membwa ni kanakoi araia aia utu ke raraoia nakon te tembora bwa a na katokaaki ibuakon aara ake ana tataroaki. Bubuti ibukin katokan te ara n aara ake a na tataroaki a kona ni karaoaki man kawaran ana iteraniba te tembora teuana ma teuana iaon ChurchofJesusChrist.org/temples ao rinean prayer roll link. Bubutii a kona naba ni karaoaki rinanon mwakoron te Member Tools mobile app ae āTemplesā. Imwiin tian karinan aara, a na kanakoaki ngkanne nakon te tembora anne (ke nakon te tembora are e uki ae kaan ngkana e kainaki te tembora anne).
Membwa n aaro aika mwaiti a tataro ibukiia naake a tangiriia ao tabeman ake a aoraki ke iai aia kangaanga. Koroboki aika tabu a kaoti katooto are Iesu Kristo e tataro ni kurubu ao e reireia naake a raoniia bwa a na tataro. Te waaki ae aiaron aei e karaoaki naba n te Tembora, ike membwa a bootaki inanon te onimaki ao te tataro, ni butiia te Atua ni kakabwaiaia aomata ake iai araia n aara aika ana tataroaki.