Aeniboki ni Kabuta E tauraoi n te Kaombiuta
Te waaki ibukin rinanoan te Aeniboki ni Kabuta: Te Beku Inanon Ana Ekaretia Iesu Kristo ibukiia Aika Itiaki ni Boong aika Kaitira e reitinako, ao rairan rongorongo aika rineaki nakon 21 taetae aika bwainaki iaon kawaia n otinako.
Te aeniboki ae boou ae e toka n te kaombiuta n te Ingiriti inanon Beberuare 2020, ao kaotinakoan boki aika a tia n rinanoaki inanon Maati ao Turai. N te tai aei, 16 man 38 mwakoron te boki ae e a tia ni manga koreaki ao ni boretiaki. Nikiran mwakoro a na manga rinanoaki inanon namwakaina aika imwaira, kanoana bon rinanoakina ibukin kauarerekeana ao kamataatan taekana.
Tabeua te tai imwin te maungatabu ni kabuta n Okitobwa 2020, mwakoro 32 āRepentance and Church Membership Councils,ā ao tabeua mwakoron 38.6, āPolicies on Moral Issuesā (are boutoka mwakoro 32), e na moanaki boretiana inanon 21 taetae (irarikin te Ingiriti). Mwakoro ake tabeua a tabe ngkai n rairaki ao ni katauraoaki nakon te booreti n namwakaina aika i mwaira, ao n tokin te tai ni kabane booki a na tauraoi inanon 35 taetae.
E ngae ngke e tauraoi te aeniboki n ana webutiaite te Ekaretia ao n te Gospel Library app, naake a moan taketenaki bon taan kairiiri n te Ekaretia. Te aeniboki ae rinanoaki aei e onea mwiin Aeniboki 1 (ibukiia beretitenti n titeiki ao bitiobi) ao Aeniboki 2 (ibukiia taan kairiiri ni kabane) ao e botii taekan aeniboki aikai nakon teuana te boki.
Rii ni babaire ibukin te aeniboki ae boou aei bon te mwakuri ni kamaiu ao te karietataaki, are kanoana bon aua mwakoro ni iango ngkai ti nakon Kristo ao ti ibuobuoki n ana mwakuri te Atua:
-
Maiuakinan ana euangkerio Iesu Kristo
-
Tararuakiia naake Iai kainnanoia
-
Kaoakiia ni kabane bwa ana karekea te euangkerio
-
Katiteuanakiia utu n te maiu ae akea tokina
Taian mwakoro a koreaki ni buokiia taan kairiiri ni kabuta te aonaba ni beku ma te tibwanga ae aiaron Kristo ni karaoan ana burokuraem te Ekaretia, kaetieti, ao aron kairan te waaki ao, ngkana e riai, kangaraoana nakon are e riai n te tabo.
Booreti iaon te kaombiuta n te aeniboki aei e kona ni karinaki iai baika a boou ao bitaki ngkai e rikirake te Ekaretia ao a kangaraoaki kaetieti. Kainibaire ibukin karaoan bwaai n anga aika kaokoro ao kangaraoi iai naba inanon te aeniboki aei ibukin buokaia taan kairiiri ao membwa ni katamaroa aron iran kainibaire ao ana burokuraem te Ekaretia ibukiia aomata nakon mwaitiia nako ao irouia Aomata Aika Itiaki n taabo aika a kakaokoro n te aonaba.