Baleti Ira na iTubutubu

Na Yavu ni Veivakabulai kei na Vakararavi Tiko ki Vua na Turaga

Kemuni na iTubutubu,

Sa rawa mo ni vakayagataka na veitukutuku oqo kei na kedra iyaloyalo me dolavi kina na veitalanoa kei na nomu matavuvale ka vukea me ratou kila deivaki na ulutaga bibi eso me vaka na yavu ni veivakabulai kei na vakararavi tiko ki vua na Turaga.

Yavu ni Veivakabulai

Vakayagataka na “Yavu Vakosipeli” ena tabana e 6 mo vakavulici ira kina na luvemu ena yavu ni veivakabulai. Veitalanoataka na sala e sa dau vakalougatataki iko kina kei na nomu matavuvale na kilai ni yavu ni veivakabulai. Navuca me ra droinitaka na luvemu na iyaloyalo eso ni yavu ni veivakabulai ka me ra qai dui vakamacalataka yadudua na kena veitikina.

Vakararavi ki vua na Turaga

Wilika na ka e sotava o Brother Milton Camargo ena tabana e 21. Ni ko veitalanoa kei ira na luvemu, navuca me tarogi: E vakaraitaka vakacava na daukaulotu na nona vakararavi ki vua na Kalou? O dau vakaraitaka vakacava na nomu vakararavi ki vua na Turaga? Na sala cava so o sa vakalougatataki kina ni ko vakararavi tiko ki vua na Kalou?

Veitalanoataki ni Veivakacacani

Vakayagataka na vakasama eso ena itukutuku ena tabana e 14 mo vulica kina na sala e rawa ni vakilai kina na veivakacacani, na kena tarovi, ka vakavulica vei ira na gone na sala me ra taqomaki ira kina.