Itok, Ļoor Eō
Ej Kab Jinoin An Ron̄ Kōn Aiboojoj in Laļ Ko Jilu
Juļae 5–11
Kōmeļeļe jān Annie Henrie Nader
Jekjen 76 in Katak im Bujen Ko ej kalikkar aorōkin karōk in lo̧mo̧o̧r me ekar jako jān laļ in ilo iien Bun̄ jān Tōmak eo. N̄an waanjon̄ak, ekkatak m̧ool kein em̧ōj aer jepļaaktok jinoin tata ej juon en̄jake eo ban meļo̧kļo̧ke. En̄in ekar jekjek eo n̄an Connie, juon rioktak jān Richmond, Virginia, USA.
Liin ekar keememej: “Aolep iien ij lo iakwe eo an Anij n̄e ij riiti Baibōļ, ak ikar jab lo jabdewōt kabun̄ me ej kwaļo̧k ilo wāween eo ikar jeļā kake. Ke ikar būki katak ko an mijinede ro kōn karōk in lo̧mo̧o̧r, iaar lukkuun en̄jake ineem̧m̧an im aenōm̧m̧an āinwōt ijjan̄in kar en̄jake jinoin. Iaar ļōmņak ippa make, ‘En̄in ej Jema Ilan̄ eo ijeļā.’ Katak kōn aiboojoj in laļ ko jilu ekar lukkuun kōpeļļo̧k kōļmenļo̧kjeņ eo aō bwe in maron̄ kōņaan jeļā eļapļo̧k.”
Delphine, juon rioktak jān Paris, France, baam̧le eo an rekar ioon jet iien ko reppen an baam̧le, kōn menin ke mijinede ro rej katakin baam̧le eo an ke baam̧le ko remaron̄ bar mour ippān doon ilo laļ eo an celestial, ekar jab jeļā n̄e ekar kōņaan. Ke mijinede ro raar wōnm̧aanļo̧k wōt im katakin e kōn aiboojoj in laļ ko jilu, ijoke, ekar ineem̧m̧an. Liin ekar jeļā bwe enaaj pād ippān ro ej iakwe ro raar kālet n̄an ļoor gospel in. Kōn juon meļeļe em̧m̧an kōn karōk in lo̧mo̧o̧r, liin ekar ba, em̧ōj aō lo eļapļo̧k, im ekar kam̧ōņōņōik eō.”