Elmen Ad Maron̄ Kōnono kōn Kōm̧m̧an ko Renana
Errein jet iaan kōmeļeļe ko n̄an eo eaar lanwōtwōt jen kōm̧m̧an ko renana, ritōl ro aer ilo Kabun̄ in, im baam̧le ko aer.
Pija ko jān Getty
Rilo̧mo̧o̧r eaar kōnono kōn kōm̧m̧an ko renana: “A jabdewōt eo enaaj ļōkatipe juon iaan rein reddik rej lōke n̄a, em̧m̧an n̄an e n̄e rej lukwōj dekā iriri eļap ņa i kōnwan im kōtaleke ijo e m̧wilaļ i lo̧jet” (Matu 18:6; bar lale Mark 9:42; Luk 17:2).
Kōm̧m̧an ko renana ej jab jerbal em̧m̧an ak kowaan ro jet (āinwōt juon ajri ak ripālele, erūtto, ak em̧ōjņo̧ ānbwinin) ilo juon wāween ej kakkure ānbwin, en̄jake, ak m̧ōm̧ ilo kanniōk. Ijo jikin Kabun̄ ej bwe kōm̧m̧an ko renana en jab oktak im pād ilo jabdewōt jōkjōk.
Ļōmņak kein ilaļ remaron̄ jipan̄, men̄e kwoj juon iaan ro raar lanwōtwōt kōn jorrāān jen kōm̧m̧an ko renana ak ritōl an Kabun̄ in ak jinen ak jemen.
N̄an eo eaar Jorrāān
Āinwōt juon eo eaar jorrāān1 jen kōm̧m̧an ko renana, kwōn jab jekpen ņae eok kōn jerbal in kōm̧m̧an ko renana kwaar en̄jaki, ak aikuj jeo̧rļo̧k bōd kōn kōm̧m̧an ko eo ekar kōm̧m̧ani ņae eok. Kwomaron̄ bwilōn̄ elmen an Rilo̧mo̧o̧r maron̄ kōmour eok. Kwomaron̄ ļōmņak bwe pinmuur in en̄taan eo an Rilo̧mo̧o̧r ej n̄an ro wōt rej jerawiwi im reaikuj in ukweļo̧k.
Ewi wāween an Rilo̧mo̧o̧r jipan̄ eok? Kōn Pinmuur eo An, E emeļeļe. Rilo̧mo̧o̧r eo ewōr an iakwe ekwojarjar. Men̄e jejjab lukkuun jeļā elmen an Rilo̧mo̧o̧r eo kar maron̄ in en̄jake kōn aolep metak ko ad, jemaron̄ bōk tōmak eo me E emeļeļe, ilo juon wāween eo eweppān, kajjojo em̧m̧aan, kōrā, im ajri (lale 2 Nipai 9:21). E emaron̄ letok aenōm̧m̧an im kajoor n̄an wōnm̧aanļo̧k.2
Kōn Pinmuur eo An, Rilo̧mo̧o̧r ejipan̄ ro raar metak. E emaron̄ jipan̄ jen “kōmour im ņa wōņāād kōn jabdewōt en̄taan kōn metak ko an aolep armej.”3
Jekdo̧o̧n n̄āāt ak elmen an rikōm̧m̧an jorāān eo bōk eddo, kwomaron̄ “kwaļo̧k bwe Riekajet eo Eweppān, ej Jisōs RiKraist eo, kōn juon jeļāļo̧kjeņ eo eweppān kōn aolep men, naaj kwaļo̧k aolep bōk eddo ko an rikōm̧m̧an nana eo kōn aolep jerball ko rejjab jim̧we.”4 Bar jeļā bwe “ro rej kakkure pāleen ak ro nejin … naaj ņaruwier im̧aan Anij ilo aer jab kōm̧m̧ane eddo kein aer.”5
N̄an Ritōl ro an Kabun̄ in
Aolep ritōl im rikaki ro rej jerbal ippān jodikdik ro im ajri ro reaikuj in bōk kaminene eo ilo online “Kōjparok Ajri ro im Jodikdik ro.”6
Ejjeļo̧k juon ritōl an Kabun̄ in enaaj joļo̧k juon riboot in kōm̧m̧an ko renana ak kapilōke juon membōr n̄an jab riboote m̧akūtkūt in jorrāān eo.7 Ritōl ro an Kabun̄ im membōr ro rej aikuj in kakūrm̧ool aolep eddo ko an kien n̄an riboote kōm̧m̧an ko renana ak kakkure eo n̄an rijerbal ro an kien. Ijoke, eria ko eoktak aer riboot kakien ko. Jet eria reaikuji armej eo jen kabun̄ n̄an kennanikļo̧k jikin kakien eo, ak jet eria reaikuji mo̧ ko.
Eaorōk bwe ritōl ro ren meļeļe bwe eo eaar lanwōtwōt jen kōm̧m̧an ko renana emaron̄ pen aer tōmak ro jet—eļaptata ro rej jerbal ilo kien. En̄jake ilo jekjek in emaron̄ pen; bwe eo eaar lanwōtwōt jen kōm̧m̧an ko renana en pen an kōnono kake ilo wāween eo am̧ make. Kweilo̧k ippān ritōl ro makeļo̧k emaron̄ in kamijak n̄an eo eaar lanwōtwōt kōn jorrāān jen kōm̧m̧an ko renana. Ro raar lanwōtwōt kōn jorrāān remaron̄ kūrtok juon rūtto eo kar leke bwe en pād ippāer ilo aer kweilo̧k ippān ritōl priesthood ro.8
Jekdo̧o̧n n̄āāt eo armej eo kar kōm̧m̧an ko renana n̄an e, e emaron̄ kam̧ool jān jipan̄ im kam̧ool ko an ro retijem̧ļo̧k. Enan̄in aolep ro raar lanwōtwōt jen jorrāān em̧ōkaj aer mour n̄e em̧m̧an aer en̄jake, repād ilo koņ im kōjparok, rej en̄jake ewōr ro rej tōmak er im remeļeļe an kōm̧m̧an ko renana kar jelet er. Jipan̄ emaron̄ rie er n̄an lo aenōm̧m̧an im jab en̄jake ajimakeke ilo aer pukot jipan̄.9
Jutak ņae kōm̧m̧an ko renana jekdo̧o̧n wōn eo ekar bōk kuņaan eaikuj in juon jon̄ak. N̄e rikōm̧m̧an jorrāān eo epād mālim im lōke, ijoke, kōm̧m̧an ko renana eļapļo̧k nana im maron̄ kōm̧m̧an eļapļo̧k jorrāān n̄an eo ej laanwōtwōt jen jorrāān. Ro rej lōke kōn kōm̧m̧an ko renana jet raikuj in kōjerbal jon̄ak ko reutiejļo̧k kōnke raar kakkure lōke eo an eo ej laanwōtwōt jen jorrāān. Kabun̄ in ejjeļo̧k an kakien kōj kōm̧m̧an ko renana, im bwe ej lukkuun in jipan̄ kōn lōke im mālim.
N̄an ro Jinen im Jemen
Men̄e bwebwenato in kōm̧m̧an ko renana jen juon eo ewōr mālim n̄an bōk ennaan ko, ro raar lanwōtwōt kōn jorrāān ekkā aer kar kōm̧m̧ani jerbal ko renana jen juon eo rejeļā kajjen. Rikōm̧m̧an jorrāān eo emaron̄ in juon jen baam̧le eo, nukun eo, ak riturin. Rikōm̧m̧an jorrāān eo emaron̄ in jabdewōt iiō. Rikōm̧m̧an jorrāān eo ej lukkuun in ruwaemejet.10
Ak elōn̄ kōkkaļļe ko kōn kōm̧m̧an ko renana me jemaron̄ katakin ro nejid n̄an jipan̄ er kile im jab kōm̧m̧ane. Katakin ajri ro nejum̧ n̄e juon ej kajjitōk bwe ren kōm̧m̧ani men ko me rejeļā ke ebōd, ren ba jaab. Errein jet iaan waanjon̄ak ko me rikōm̧m̧an jorrāān ro remaron̄ kipel, kamijake, ak kapoik ro ej laanwōtwōt jen jorrāān.
-
Rikōm̧m̧an jorrāān ro rej kōjerbal kōm̧m̧an ko aer, kajoor, iiō, dettan, ak jeļā n̄an kipel eo ej laanwōtwōt jen jorrāān n̄an kōm̧m̧ane ta eo rekōņaan.
-
Rej ba ke rejjab kōņaan ren m̧ōttāik eo ej laanwōtwōt jen jorrāān m̧ae iien rej kōm̧m̧ane ta eo rej ba.
-
Rej būki men ko im ban bar kōro̧o̧li m̧ae iien eo ej laanwōtwōt jen jorrāān ej kōm̧m̧ane ta eo rej ba.
-
Rej kamijak kōn riab bwe eo ej laanwōtwōt jen jorrāān en kōm̧m̧ane.
-
Rej leļo̧k menin leļo̧k ko, ak nōbar ko jet n̄an bōk ta eo rej kōņaan.
-
Rej jiron̄ ļo̧k eo ej laanwōtwōt jen jorrāān ke ejjeļo̧k juon enaaj tōmak er im renaaj pād ilo jorrāān n̄e renaaj ba n̄an jabdewōt kōn kōm̧m̧an ko renana.
-
Rej kamijak im kōmetak eo ej laanwōtwōt jen jorrāān ak eo ejitenbōro n̄e eo ej laanwōtwōt ejjab kōm̧m̧ane ta eo rej ba.11
Kōnono kōn kōm̧m̧an ko renana ej juon jekjek epen. Ejjeļo̧k juon uwaak epidodo, ak jemaron̄ eļap aenōm̧m̧an ilo waan ko an Elder David A. Bednar jen Doulul eo an Jon̄oulruo Rijilōk ro: “Ejjeļo̧k metak ilo kanniōk, ejjeļo̧k kinej in jetōb, ejjeļo̧k metak kōn jetōb ak metak ob, ejjeļo̧k nan̄inmej ak kōm̧ōjņo̧ik eok ak ikar lo ilo mour in bwe Rilo̧mo̧o̧r ekar jab en̄jake jinoin. Ilo iien m̧ōjņo̧ jemaron̄ jan̄, ‘Ejjeļo̧k juon ejeļā ta in. Ejjeļo̧k juon emeļeļe.’ Ak Nejin Anij ejeļā im emeļeļe kaki, kōnke Eaar en̄jake im kar ineek eddo ko ad kajjojo. Im kōn katok eo eļap im ejjeļo̧k jem̧ļokin (see Alma 34:14), ewōr An tiriam̧o im emaron̄ kōdepakpak ļo̧k pein An tiriam̧o. E emaron̄ jipadōkļo̧k, jibwe, jipan̄e, kōmouri, im kōkajoorļo̧k kōj n̄an ad maron̄ erom eļapļo̧k jen jon̄an eo ad im jipan̄ kōj n̄an kōm̧m̧ane ta eo jejjab maron̄ kōm̧m̧ane n̄an kōjmake, ak kōn ad make kajoor.”12
O Jema, jān Simon Dewey
Jemaron̄ oktaļo̧k n̄an Ri Pepe e Kabwilōn̄lōn̄ im kōn E jemaron̄ lo kōjatdikdik im kōmour.