Itok, Ļoor Eō
Jerbal in Karejar n̄an Armej ro Ad
Juļae 19–25
Kōmeļeļe ko jān J. Beth Jepson
“Rie ro reban, kotak lōn̄ļo̧k pā ko rej allitoto, im kōkajoor bukwe ko rem̧ōjņo̧” (Katak im Bujen Ko 81:5).
Būreejtōn Thomas S. Monson: Juon Waanjon̄ak in Jerbal in Karejar
Rūttoon ke ekar kūr āinwōt juon bisop: 22
Oraņ ward membōr ro: lōn̄inļo̧k 1,000
Oraņ ward eo an ro emej pāleer: 85
Elder Jeffrey R. Holland jān Doulul eo an Jon̄oulruo Rijilōk ro ekar kwaļo̧k elmen an kar Bisop Monson kea kōn kōrā ro emej pāleer: “Elōn̄ remaron̄ jeļā bwe Bisop Monson ekar joļo̧k ruo wiik in kakkuje ko an ilo aolep iien Kūrijm̧ōj n̄an loļo̧k aolep raliton̄oul-ļalem kōrā ro emej pāleer ilo ward eo an. Elōn̄ remaron̄ jab jeļā bwe ilo iiō ko jinoin menin letok eo emaron̄ bōk er ekar … tāāp bao im im leļo̧k jen jikin tāāp bao eo an.”1
Bisop Monson ekar keememej wāween an kar jipan̄ jet rūtto ripālele ro rekar aikuj jipan̄ n̄an unoik m̧weeo m̧weer: “Ilo juon im̧we ikar kūr, jaab doulul eo an em̧m̧aan ro ak n̄an ro rem̧ōņōņō in uno, ijoke, ļoor bok in bōk meļeļe ikkijeen menin jipan̄ eo, n̄an baam̧le ko rej jokwe epaak ilo eria eo. Emen nej nejin ļaddik im emen leddik rekar būkki būraj ko im bōk koņaer ilo būrojāāk eo.”2 Im̧we in ekar jipan̄ baam̧le bar ekkeijel n̄an em̧m̧anļo̧k eo n̄an kōjparok doon.
“Jeban lukkuun iakwe Anij eļan̄n̄e jeban iakwe rito itak ro m̧ōttad ilo iaļ in ilo mour in.”3 —Būreejtōn Thomas. Monson