Ruwainene n̄an Ennaan In
Jemaron̄ Keidi n̄an Armej ro Rekwojarjar ilo Raan Ko Āliktata Etto
Joseph and Emma with Baby Alvin, by Liz Lemon Swindle, may not be copied
Āinwōt juon rijeje Būrojāāk in bwebwenato eo an Josep Smith, em̧m̧an ippa kōnono ko ilo nokon in jota ko im iiaio̧ eo ippān membōr ro an Kabun̄ in kōn bwebwenatoon Kabun̄ in. Ke iaar kōm̧m̧ane menin, iaar kile bwe jet armej raar ioon men ko reppen keidi n̄an Ro Rekwojarjar etto. Kōmeļeļe ko an rein kajjojo ekkā mije peran ko aer, ekōm̧m̧an bwe en āinwōt n̄e rekar jab ioon pere, nan̄inmej, ak ebweer.
Ak membōr ro an Kabun̄ in im raar mour ilo 1800 ko, raar armej in jab wānōk āinwōt kwe im n̄a rainin. Raar en̄jake lan̄lōn̄ im m̧ōņōņō, metak im en̄taan—im em̧ool raar armej ro, raar ioon būrom̧ōj ilo raan ko. Iaar ekkatak eļap kōn en̄jake ko kōn wāween n̄an dipuk mour im jekjek ko an armej.
Ij kōjatdikdik bwe ami ekkatak kōn Katak im Bujen Ko iiō in enaaj jipan̄ kom̧ jeļā kōn wāween an Ro Rekwojarjar etto kar dipuk apan̄ ko an mour in. Ij bar kōjatdikdik bwe ennaan in kōn elmen an Mary Ann Young, kōrā eo ippān Brigham Young, kar dipuk apan̄ ko enaaj kōkajoorļo̧k tōmak eo am̧ im jipan̄ eok lo bwe jemaron̄ keidi apan̄ ko liin im ro jet raar dipuki (lale peij 32). Men̄e ilubwiljin apan̄ im būrom̧ōj ko, tōmak eo an Mary Ann ekar kōm̧m̧an bwe en dim wōt, ilo an kar jeje ļo̧k n̄an ļeo pāleen, “pād wōt n̄an dipuk aolep lan̄ ko an mour.”
Ekanooj lōn̄ men jemaron̄ ekkatak jān ro em̧ōj aer etal m̧oktaļo̧k—ejjab jen baj en̄jake ko wōt aer rekabwilōn̄lōn̄ ak jān aer wūjlepļo̧k.
Matthew C. Godfrey
Church History Tipaatmen