Ainikien ko an Armej ro Rekwojarjar ilo Raan Ko Āliktata
Jouj Ro̧o̧ltok
Ilo tōre eo ekar wōr jilu ajri, Vanessa eaar ba, “Jej aikuj juon kabun̄ ilo m̧wiin.”
Ke eaar 12 aō iiō, būratōr eo aō erūttotata ekar bōktok mijinede ro rej jerbal aolep raan, eo ekar kwaļo̧k kadkadim n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Tokālik, jinō ekar jino bōk būratōr ro aō, sister eo aō, im n̄a n̄an jar. Ejjab to kōm aolep kar peptaij.
Jidik kōn jidik, ijoke, ekar bōjrak ammim kobaļo̧k. Em̧m̧an ippa Kabun̄ in, ak ke ekar 17 aō iiō, men ko ilo mour eo aō rekar jino tōlļo̧k eō n̄an bar juon iaļ. Iaar kajjieon̄ in juon armej em̧m̧an, ikar jab juon armej enana. Ak ikar jebwābwe im ikar jino mour in laļin. Ilo aō kar jab jeļā ak kile, iaar jino būki men ko an laļin.
Innām iaar lo Vanessa. Juon raan ālkin am̧ pād jidik, eaar ba, “Jej aikuji juon kabun̄ ilo m̧wiin.” Ilo tōre eo ekar wōr jilu nejimro ajri.
Ilo laļin in, kōm kar inepata kōn ta im̧we an jetōb kom̧ro enaaj kar leļo̧k n̄an ajri ro nejimrro. Iaar ļōmņak bwe n̄e inaaj ro̧o̧l n̄an jar, inaaj ro̧o̧l n̄an kabun̄ eo aō. Ikar keememej ekar juon jikin n̄an armej ro rem̧m̧an.
Iaar kōnono n̄an juon membōr in Kabun̄ in im kar jiron̄ e ke ij ļōmņak in ro̧o̧ltok n̄an kabun̄ in.
Eaar ba, “Jouj ro̧o̧ltok!”
Bōklekōt eo aō eļaptata n̄e ajri ro nejū rej ļōmņak ejalimo etal n̄an jar im reban kōņaan, ak raar kōņaan. Ilo ammim kar etal wōt n̄an jar, Vanessa ekar kālet bwe ejjeļo̧k āinjuon jen Kabun̄ in me ejipan̄ baam̧le ko epaake doon. Ekar men eo ekar kappukote. Komro Vanessa kar m̧are, im e im ajri ro nejimro rekar peptaij.
Kiiō kōmij etetal ilo iaļ eo an gospel in āinwōt juon baam̧le. Kōttōbar eo am̧ ej n̄an liāp ipppān doon ilo tampeļ.
Ilo iien ekkal eo an Rio de Janeiro Brazil Temple, iaar etetal itōrerein aolep raan. Ikar jiron̄ ro m̧ōtta, “Juon raan, inaaj m̧are ilo m̧wiin.”
Raar ba, “Lo, kwoj ba menin aolep raan!”
Iaar ba aolep raan kōnke ijeļā bwe tampel eo epaak an dedeļo̧k, im ikar kōņaan kakeememej n̄a make n̄an kōm̧m̧ani men ko rejim̧we bwe baam̧le eo aō ren maron̄ liāp ippān doon. En̄in ej ikdelel eo an būruwō.
Ijeļā bwe ajri ro neju renaaj jino ekkatak eļapļo̧k kōn laļin im dipuk ejja men ko iaar dipuki. Ak ke ij kwaļo̧k en̄jake ko aō ippāer, iaar ba, “Jouj jab eļļo̧k n̄an men ko ikar kōm̧m̧ani kōnke ejjeļo̧k tokjeer.”
Iaar rōjan̄ ajri ro neju n̄an ekkatak gospel eo an Jisōs Kraist im pedped wōt n̄an erom̧ mijinede kiiō bwe ren kōjeraam̧m̧an ro jet. Raar jab meļeļe aolep men, ak raar ekkatak. En̄in ej kōtmene eo aō n̄an er.