2021
Jerbal in Karejar n̄an Ro Ewōr Nan̄inmej ko ilo Ānbwin
Juļae 2021

Pedped in katak ko an Jerbal in Karejar

Jerbal in Karejar n̄an Ro Ewōr Nan̄inmej ko ilo Ānbwin

Jemaron̄ in pein Rilo̧mo̧o̧r n̄an kaenōm̧m̧an im jipan̄.

man delivering groceries

Nan̄inmej, kadōk uno ak m̧ōn̄ā, utam̧we ilo ānbwin, ak rūtto emaron̄ jelet maron̄ eo an juon membōr n̄an kabun̄jar ak jerbal. N̄e rikarejera m̧aan ro ak kōrā ro rej lo aikuj kein, elōn̄ wāween ko n̄an jipan̄ membōr ro ewōr aer apan̄ ko ilo ānbwin n̄an m̧ōņōņōik kōjeraam̧m̧an ko rem̧m̧anļo̧k ilo gospel in.

Ālkin an juon m̧am̧a eo em̧m̧an ded kar kakōļkōl im lo ke ekāānjōr, ekar en̄jake leln̄on̄ im obrak kōn mijak. Ak ke enaan in nan̄inmej eo an ej ajedeed ilo ward eo an, eaar m̧ōkaj an jepooļ kōn iakwe im kea jen sister ro m̧ōttan. Ke ej jino iien taktō ko an, sister ro rej bōkļo̧k e n̄an aboinmen ko an im jijet aetok ippān ilo iien an chemotherapy. Raar jar ippān, rōjan̄ e, bōk jidik kapije bwe en m̧ōn̄ā, im bōkļo̧k m̧ōn̄ā n̄an baam̧le eo an wiik im bar wiik. Sister ro jet raar jolo̧k aer boub n̄an karreoiki m̧weeo im̧ōn. Juon sister ekar jeļā jet kein kōm̧ad bwe en jab kiki, kōn menin ekar pepe bwe en alooj pija. Ijelo̧kin kiki, m̧am̧a in edik ekar maron̄ in jako an mijak jidik im kar en̄jake kajoor in kōmour kōn m̧ōņōņō im jemjerā. Kōn jerbal in karejar kein, kōjeraam̧m̧an ko an priesthood, im an ward eo jitlo̧k, liin ekar maron̄ in dipuk iien ko reppen, im kajoor in iakwe eaar ļapļo̧k ikōtaan aolep ro raar bōk kūņaer.

Jerbal in karejar n̄an ro ewōr nan̄inmej ko ilo ānbwinnier ekar jab pidodo. Ak jemaron̄ ļoor waanjon̄ak eo an Rilo̧mo̧o̧r n̄an tōpar būratōr im sister ro ad ilo iakwe n̄e rej ioon nan̄inmej ko ilo ānbwin. Jemaron̄ in erom̧ Pein n̄an kaenōm̧m̧an im jipan̄ ro ipeļakid, ekoba ro ewōr apan̄ ko aer, jejjan̄in loi kōn mejed make.

Ļōmņak ko n̄an ļōmņaki

1. Kōjparok privacy eo aer. Jet armej rejook kōn nan̄inmej ko me kwomaron̄ jab lukkuun kea kaki. Aolep iien kajjitōk n̄e EM̧M̧AN n̄an kwaļo̧k kōn jekjek eo epād ie n̄an ro jet m̧okta jen am̧ kōm̧m̧ane.

2. Leļo̧k rōjan̄ kōn jon̄ak in taktō. Jab kōmālim kein taktō ko ak jerbal in jipan̄ ko me rejjab ekkar ak ilikin jon̄ak in taktō ko. Kwaļo̧k ļōmņak ko im en̄jake ko ilo am̧ kar im̧we, ak rōjan̄ ro jet n̄an kōm̧m̧ani etale ko aer im n̄an bōk kapilōk jen taktō ro retijem̧ļo̧k.

adult woman helps her mother put on clothing

Pija ko jān Getty Images ko

3. Jerbal ippāer im jar kōn er. N̄e armej ro rej iooni, nan̄inmej ko eaetok kitieer ak jekjek ko āinwōt keotak ak m̧wijm̧wij, jerbal eo am̧, bōkļo̧k m̧ōn̄ā, jouj, im jar ippāer n̄an kwaļo̧k kwoj kea. Ilo iien idin̄ ko, am̧ kōņaan m̧ōkaj in jipan̄ emaron̄ in aorōk.

4. Jipan̄ Ekōkajoor Er. N̄e armej ro rej ioon būrabōļōm̧ in ājmour ko reļļap ak aetok kitier, eļapļo̧k aer aikuji jipan̄ ak jerbal in jipan̄ eo am̧, āinwōt an aorōk rein. Remaron̄ bar jipan̄ jeļā n̄an kōm̧m̧ani men kein ilaļ n̄an er make.

  1. Kile aikuj ko aer. Ta eo rejeļā kōn jekjek eo repād ie? Elmen aer en̄jake? Ta inepata ak aikuj ko aer kiiō ak jeklaj? Ron̄jake ilo tiriam̧o im jab ekajete n̄an m̧ool in jipan̄ er lo ta eo em̧ool.

  2. Keememej kajoor ko aer. Kajjitōk kōn apan̄ ko jet rej iooni im ta eo raar ekkatak jen en̄jake ko. Kwaļo̧k iien ko raorōk, men ko raorōk, im kapeel ko me kwojeļā ewōr ippāer. Kajjitōk men ko aorōk aer make me raorōk n̄an er n̄an mour kake ilo jekjek eo? Elmen aer mour kake men kein raorōk?

  3. Ejake juon karōk. Ta ļōmņak ko aikuji n̄an kōm̧m̧ani, im ta meļeļein kakkobaba ko rej aikuji n̄an kōm̧m̧ani kālet kein? Ta jipan̄ ak menin jipan̄ ko kiiō reaikuj in kōm̧m̧ani, im ta eo rej aikuji me eaetok kitien? Ta ļōmņak ko jet rej loi? Ta jibadbad eo an kajjojo?

  4. Ejake tiim eo aer. Wōn emaron̄ jipan̄? Baam̧le eo an rej er ro jinointata n̄an jipan̄, ak baam̧le ko jet, ro m̧ōttaer, ward membōr ro jet, taktō ro retijem̧ļo̧k, menin jipan̄ ko raorōk, kwe im eo m̧ōttam̧, im Jetōb Kwojarjar emaron̄ jipan̄ aolepen tiim eo aer. N̄e ekkar im mālim eo aer, ekoba būreejtōn eo an Doulul eo an Kōrā Ro im būreejtōn eo an elder ro n̄an jipan̄ er lo elmen am̧, im membōr ro jet, im kein jipan̄ ko an Kabun̄ in maron̄ in lukkuun jipan̄.

  5. Karuwainene tok Jetōb. Jar kake im ippāer, kajjitōk ippān Irooj bwe en kaenōm̧m̧an im tōl kālet ko aer im jipan̄ er en̄jake iakwe eo An.