Polokalama Foʻou ki he Ngaahi Lekomeni Temipalé

ʻE kamata ʻi he ʻaho 25 ʻo ʻOkatopa 2021, ʻa hono foaki ʻe he kau taki ʻi he ngaahi siteiki kuo filifilí ha ngaahi lekomeni temipale—tuku kehe ʻa e lekomeni ki he ngaahi ouau moʻuí—ʻo fakaʻaongaʻi ʻa e Maʻuʻanga Tokoni ʻa e Takí mo e Kalaké (LCR) ke paaki ʻaki e ngaahi lekomení. ʻE lava ke fakaʻaongaʻi ʻe he kau taki lakanga fakataulaʻeikí ha fakamoʻoni fakaʻilekitulōnika ki he ngaahi lekomeni ko ʻení, pe te nau fakamoʻoni hingoa pē ʻi he lekomení ʻo hangē ko ia ʻoku lolotonga fakahokó.

Ko hono fakaʻaongaʻi ʻo e ngaahi fakamoʻoni hingoa fakaʻilekitulōniká ko e founga malu taha ia ki hono foaki ʻo e lekomeni temipalé, pea ʻoku totonu ke fakaʻaongaʻi ʻa e ngaahi fakamoʻoni hingoa fakaʻilekitulōniká ʻi he ngaahi feituʻu ʻe malava aí. ʻOku ʻamanaki ʻa e kau taki ʻo e Siasí ʻe aʻu ki he ʻaho 13 ʻo Tīsema 2021 kuo fakaʻaongaʻi ʻe he ngaahi ʻiuniti kotoa ʻo e Siasí ʻa e LCR.

ʻIkai ngata aí, ka kuo fakaleleiʻi foki mo e fōtunga ʻo e lekomeni ʻoku fakaʻaongaʻi ʻe he kāingalotu ko ia ʻoku teʻeki maʻu ʻenitaumení ke kau ʻi he papitaiso mo e hilifakinima fakafofongá. He ʻikai ke toe fakaʻaongaʻi ʻa e fakalea “lekomeni temipale fakangatangata.”

Ko e kāingalotu kuo ʻoange kiate kinautolu e lekomeni motuʻá, ʻe lava ke nau kei fakaʻaongaʻi pē ʻa e lekomeni ko iá kae ʻoua kuo ʻosi hono taimí.