Hikinimaʻi e Kau Fitungofulu Fakaʻēlia Foʻoú

Naʻe hikinimaʻi tahataha ha ongo Fitungofulu Fakaʻēlia foʻou lolotonga ha fakataha ako fakatakimuʻa naʻe fakahoko ko ha konga ʻo e konifelenisi lahí. Naʻe hikinimaʻi fakakulupu leva ʻa e Kau Fitungofulu Fakaʻēlia kotoa pē lolotonga e fakataha ʻo e hoʻatā Tokonaki ʻo e konifelenisi lahí.

ʻE ngāue ʻa ʻEletā Sāteni Natinga, 41, ʻo Poinite-Noale, Lepapulika ʻo Kongokoú, ʻi he Kōlomu hono Tolu ʻo e Kau Fitungofulú (ʻAfilika Lotoloto, Saute, mo e ʻĒlia Hihifó). ʻE ngāue ʻa ʻEletā Petelō E. Henanitesi, 51, ʻo Punito Fiso, Venesuela, ʻi he Kōlomu hono Hiva ʻo e Kau Fitungofulú (ʻĒlia Tokelau-hihifo ʻo ʻAmelika Tongá mo e ʻĒlia Sauté).

Naʻe fanongonongo hano tukuange ʻo ha Kau Fitungofulu Fakaʻēlia kehe ʻi Siulai. Ko e Kau Fitungofulu Fakaʻēliá ko ha kau “fakamoʻoni makehe” ʻo Sīsū Kalaisi ki he ngaahi ʻēlia fakasiokālafi ʻoku nau nofo aí (vakai, Tokāteline mo e Ngaahi Fuakava 27:12). ʻOku nau ngāue ʻi he malumalu ʻo e fakahinohino ʻo e Kau Palesitenisī ʻo e Kau Fitungofulú.

Naʻe ʻi he fakataha fakatakimuʻá ha Kau Taki Māʻolunga, Kau ʻŌfisa Māʻolunga, mo ha Kau Fitungofulu Fakaʻēlia ʻe toko 300 ʻa ia ne nau kau tonu mai ki ai pea mo e ʻinitanetí.