Toe Fakaava ʻo e Temipalé: ʻI he Tokanga mo e Fakaalaala

Kuo toe fakaava ʻa e ngaahi temipalé ʻi ha founga tokanga mo fakaalaala ʻi ha ngaahi kongokonga ʻe nima pea fakatatau mo e ngaahi tūkunga fakalotofonuá mo e ngaahi fakangatangata fakapuleʻanga ʻoku fekauʻaki mo e mahaki COVID-19. ʻOku fakasiʻisiʻi ʻe he ngaahi kongokongá ʻa e tuʻunga fakatuʻutāmakí, feau e fiemaʻu mo e meʻa ʻe malava ʻe he temipalé, pea tauhi e ngaahi fakangatangata ki he moʻui leleí ʻi he feituʻu ʻoku ʻi ai e temipalé.

ʻI Sepitema 2021, naʻe tuku atu ai ʻe he Kau Palesitenisī ʻUluakí ha tohi ke fakahinohino ki he kau pataloni mo e kau ngāue kotoa ʻi he temipalé ke nau tui maʻu pē ha meʻamaluʻi ki he ihú mo e ngutú he lolotonga ʻenau ʻi he temipalé. Naʻe pehē ʻe he tohí, “ʻOku fakataimi pē ʻa e ngaahi founga maluʻi ko ʻení, ʻo makatuʻunga ʻi he ngaahi tūkunga COVID-19, pea ʻe toki toʻo ia ʻi he taimi pē ʻe lelei ange ai e ngaahi tūkungá. Kātaki ʻo fai e meʻa kotoa pē te ke lavá ke maluʻi koe mo e niʻihi kehé kae lava ke laka ki muʻa e ngāue ʻa e ʻEikí ʻi he ongo tafaʻaki fakatouʻosi ʻo e veilí.”

Kuo poupouʻi foki ʻe he Kau Palesitenisī ʻUluakí ʻa e kāingalotu ʻo e Siasí ke nau huhu maluʻi pea mo maluʻi kinautolu mo e niʻihi kehé mei he mafola ʻa e mahakí.